প্ৰথম দফাৰ ভোটদান সম্পন্ন হৈছে পশ্চিমবংগত৷ প্ৰথম দফাত ৰেকৰ্ড পৰিমাণৰ ভোটদান হৈছে৷ এই বিপুল পৰিমাণে ভোটদান দেখি বিজেপিৰ জয়ক লৈ আত্মবিশ্বাসী হৈ উঠিছে দেশৰ বিজেপিৰ প্ৰায়সংখ্যক নেতাৰ লগতে অমিত শ্বাহো৷ শুকুৰবাৰে নিউটাউনত সংবাদমেল সম্বোধন কৰি গৃহমন্ত্ৰী অমিত শ্বাহে কৈছে যে বিজেপিৰ জয় নিশ্চিত৷ কেৱল জয়ৰ নিশ্চিত খবৰ দিয়াই নহয় পৰিকল্পনাক লৈয়ো মন্তব্য ৰাখিছে অমিত শ্বাহে৷ অমিত শ্বাহে আজি সংবাদমেলত কয়, ‘পশ্চিমবংগৰ ভোটাৰক ধন্যবাদ জনাইছো৷ দ্বিতীয় দফাতো বিজেপিৰ ওপৰত আস্থা ৰাখিয়েই বিজেপিকেই ভোট দিব বুলি বিশ্বাস আছে৷ সংখ্যাগৰিষ্ঠতাক লৈ আমি চৰকাৰ গঢ়িম৷ গোটেই নিশা মই পশ্চিমবংগৰ কথাকেই ভাৱি আছিলো৷ ১৫২ৰ মাজত ১১০ খনতকৈ বেছি আসনত বিজেপিয়েই জিকিব৷ দিদিৰ বিদায় নিশ্চিত৷’
অমিত শ্বাহে বিদায় নিশ্চিত বুলি কোৱাৰ বিপৰীতে টিএমচিৰ সাংসদ শত্ৰুঘ্ন সিনহাই প্ৰথম দফাৰ ভোটদানৰ পাছতেই দিদিৰ জয়েই নিশ্চিত বুলি প্ৰকাশ কৰিছে৷ টিএমচিৰ সাংসদ শত্ৰুঘ্ন সিনহাই মন্তব্য ৰাখিবলৈ গৈ কৈছে যে, টিএমচিৰ বিজয় নিশ্চিত৷ ইনশ্বাল্লাহ এইবাৰ আকৌ টিএমচিয়েই বিপুল হাৰত ভোট লাভ কৰি চৰকাৰ গঠন কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
