আজি মাঘ বিহুৰ উৰুকা, পাছে কি কয় বতৰ বিজ্ঞান বিভাগে, বৰষুণে দিব নেকি বিধি-পথালি
আকৌ আহিল হেঁপাহৰ ভোগালী, আজি মাঘ বিহুৰ উৰুকা। ৰাজ্যৰ চৌদিশে ভোগালীক লৈ প্ৰস্তুতি তুংগত। উৰুকাৰ নিশা ভেলাঘৰত হাঁহে মাহে খাবলৈ সাজু সকলো। আখলত ব্যস্ত জীয়ৰী-বোৱাৰী।
ডেকা সকলে নিৰ্মাণ কৰিছে আটকধুনীয়া ভেলাঘৰ-মেজি। লাড়ু, পিঠা,চিৰা ,ম’হৰ এঠা দৈ ভোগৰ সামগ্ৰীৰে ভৰি পৰিছে বজাৰ। পাছে তাৰে মাজতে বতৰে বিধি-পথালি দিয়াৰ সম্ভাৱনাই দেখা দিছে।
বতৰ বিজ্ঞান বিভাগৰ শেহতীয়া আপডেট অনুসৰি গোলাঘাট জিলাত আজি Yellow Alert জাৰি কৰিছে। কিন্তু আজি ৰাজ্যৰ এখনো জিলাত বতৰ বিজ্ঞান বিভাগে বৰষুণ আৰু ঘন কুঁৱলীৰ সতৰ্কবাণী জাৰি কৰা নাই।
কিন্তু কাইলৈ অৰ্থাৎ তিনিচুকীয়া, ডিব্ৰুগড়, চৰাইদেউ, শিৱসাগৰ, গোলাঘাট, কাছাৰ, হাইলাকান্দি আৰু শ্ৰীভূমি জিলাত বতৰ বিজ্ঞান বিভাগে Yellow Alert জাৰি কৰিছে।
তিনিচুকীয়া, ডিব্ৰুগড়, চৰাইদেউ, শিৱসাগৰ জিলাত কাইলৈ হ’ব ধাৰাসাৰ বৰষুণ। আনফালে কাছাৰ, হাইলাকান্দি আৰু শ্ৰীভূমিত জিলাত থাকিব ঘন কুঁৱলীৰ আচ্ছাদন।
১৫ জানুৱাৰীত গোলাঘাট, শ্ৰীভূমি, হাইলাকান্দি আৰু শ্ৰীভূমি জিলাত বতৰ বিজ্ঞান বিভাগে Yellow Alert জাৰি কৰিছে। জিলাকেইখনত ১৫ জানুৱাৰীত ঘন কুঁৱলীৰ আচ্ছাদন থকাৰ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
