ভাৰতত ডায়াবেটিছ আক্ৰান্ত ৰোগীৰ সংখ্যা ক্ৰমশ বৃদ্ধি পাইছে৷ এবাৰ এই ৰোগত আক্ৰান্ত হ’লে ডায়েটত কিছু সালসলনি অনাটো জৰুৰী৷ যিমানেই ঔষধ নাখাওক কিয় এই ৰোগক নিয়ন্ত্ৰণত ৰখাটো কঠিন কাম৷ এই ৰোগত আক্ৰান্ত হ’লে মিঠা, ফাষ্টফুড, প্ৰচেছড ফুডৰ দৰে খাদ্যৰ পৰা দূৰত থকাটো খুবেই প্ৰয়োজন৷ এইসমূহৰ ওপৰিও কেইবিধমান পাচলি স্বাস্থ্যৰ বাবে উপকাৰী৷ এইকেইবিধ পাচলিয়ে ডায়বেটিছ নিয়ন্ত্ৰণতো সহায় কৰে৷

গাজৰ

আমাৰ অতি প্ৰিয় গাজক কিন্তু ডায়বেটিছ ৰোগীৰ বাবে ভীষণ উপকাৰ৷ কাৰণ ইয়াত আছে ফাইবাৰৰ ভাণ্ডাৰ৷ আৰু এই উপাদানে তেজত ছুগাৰ লেভেল বঢ়াই দিয়ে৷ কেৱল সেয়াই নহয় এই পাচলিত আছে ভাল পৰিমানৰ ভিটামিন-এ৷ এই ভিটামিনৰ গুণতেই ডায়বেটিছ ৰোগীৰ চকুৰ সমস্যা নহয়৷ সেয়ে সময় নষ্ট নকৰিব নিয়মিত গাজৰ খোৱাটো জৰুৰী৷

ব্ৰকলি

এই পাচলিত অত্যন্ত উপকাৰী এক ধৰণৰ ফাইবাৰ থাকে৷ এই উপাদানে ছুগাৰ কমোৱাত সহায় কৰে৷ যাৰ ফলত তেজত গ্লুকজ লেভেল বঢ়াৰ আশংকা নাথাকে৷ কেৱল সেয়াই নহয় এই ফাইবাৰৰ গুণত কলেষ্টৰেলো কমাই ৰখা সম্ভৱ৷ ইয়াৰোপৰি ব্ৰকলিত মজুত আছে ভিটামিন আৰু খনিজৰ গুণত শৰীৰ আৰু স্বাস্থ্য ভালে থাকে৷ সেয়ে বিশেষজ্ঞসকলে নিয়মিত এই পাচলি খালে পুষ্টিৰ অভাৱ দূৰ হয় বুলি দাবী কৰে৷

বন্ধাকবি

এসময়ত কেৱল শীতকালতেই বন্ধাকবি পোৱা গৈছিল৷ সেই দিন এতিয়া অতীত৷ এতিয়া বছৰৰ বিভিন্ন সময়তেই বন্ধাকবি পোৱা যায়৷ বন্ধাকবিক ফাইবাৰৰ খনি বুলি কোৱা হয়৷ বন্ধাকবি খালে তেজত ছুগাৰ লেভেল এক নিৰ্দিষ্ট পৰিমাপত থাকে৷ কেৱল সেয়াই নহয়, ইয়াত মজুত আছে এণ্টিঅক্সিডেণ্ট আৰু ভিটামিন -চি৷ ডায়বেটিছ ৰোগীসকলে সেয়ে এই পাচলি খাব পাৰে৷

বিলাহী

পৃথিৱীৰ প্ৰথম শাৰীৰ সকলো পুষ্টিবিদেই কয় যে, বিলাহী উপকাৰী খাদ্য৷ বিলাহীত প্ৰচুৰ পৰিমানে ভিটামিন-চি, লাইকোপেনৰ দৰে উপকাৰী উপাদান থাকে৷ এইসমূহ উপাদানে ডায়বেটিছ ৰোগীসকলক একাধিক অসুখৰ পৰা দূৰত ৰাখে৷ কেৱল সেয়াই নহয়, ইয়াত মজুত ফাইবাৰৰ গুণে ছুগাৰ লেভেল নিয়ন্ত্ৰিত হৈ থকাত সহায় কৰে৷ ডায়বেটিছ ভুক্তভোগীসকলে আজিৰ পৰা পাচলি হিচাপে বিলাহী খাব পাৰে৷ তেতিয়া অনায়াসে ছুগাৰ বশ হয়৷

মাছৰুম

বেছিভাগ লোকৰেই মাছৰুম অতি প্ৰিয়৷ এই খাদ্যত পৰ্যাপ্ত পৰিমাণে ভিটামিন আছে৷ এই ভিটামিনে ডায়বেটিছ ৰোগীৰ শৰীৰৰ বাবে উপকাৰী৷ ইয়াৰোপৰি ইয়াত মজুত থকা ফাইবাৰে তেজত ৰক্ত শৰ্কৰাৰ মাত্ৰাক নিয়ন্ত্ৰণ কৰে৷ সেয়ে ডায়বেটিছ ৰোগীক মাছৰুম খাবলৈ উপদেশ দিয়া হয়৷

(Disclaimer: প্রতিবেদনটো সচেতনতাৰ উদ্দেশ্যে লিখা হৈছে। কোনো সিদ্ধান্ত লোৱাৰ পূৰ্বে চিকিৎসকৰ পৰামর্শ লওক৷)

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ