সপোনত সাপ দেখা পালে উত্তৰপ্ৰদেশৰ ফাতেপুৰৰ মালৱা থানাৰ অন্তৰ্গত চাউৰা গাওঁৰ বাসিন্দা বিকাশ ডুবেই৷ তাৰপিছতেই সেই ব্যক্তিক সাপে পিছ এৰা নাই৷ ৩৪ দিনত ৬বাৰ সাপে কামুৰিছে ব্যক্তিজনক৷ এই ঘটনাক কেন্দ্ৰ কৰি এতিয়া আতংকত ভূগিছে ব্যক্তিজনৰ লগতে পৰিয়ালো৷
বিগত ৩৪ দিনত ২৪ বছৰ বয়সীয়া যুৱক বিকাশ ডুবেক ছয়বাৰ সাপে কামুৰিছে৷ বিকাশক যেতিয়া তৃতীয়বাৰ সাপে কামূৰিছিল তেতিয়া চিকিৎসকে তেওঁক ঘৰৰ পৰা আঁতৰি থাকিবলৈ পৰামৰ্শ দিছিল৷ চিকিৎসকৰ কথা মানিয়েই বিকাশে ঘৰ এৰি মোমায়েকৰ ঘৰলৈ যায়৷ তাতো কিন্তু সাপৰ পৰা ৰক্ষা নাপালে বিকাশে৷ বৰ্তমান পৰ্যন্ত ৬বাৰ সাপে কামুৰিছে বিকাশক৷ এই ঘটনাক লৈ পৰিয়ালৰ লগতে চিকিৎসকো আচৰিত৷
বিকাশে এই সন্দৰ্ভত কয় যে, নিশা তেওঁ সপোনত দেখিছে যে, সাপে তেওঁক মুঠ ৯বাৰ কামুৰিব৷ শেষবাৰ সাপে কামুৰিলেই তেওঁৰ মৃত্যু হ’ব৷ এই সপোনৰ কথা পৰিয়ালৰ লোকক কোৱাৰ পাছতেই শংকাত ভূগিছে পৰিয়ালৰ লোক৷ বৰ্ষাকালশ আৰম্ভ হ’লেই সাপৰ উপদ্ৰল বাঢ়ে৷ আনকি ঘৰতো সাপ সোমাই পৰে৷ সেইবাৰে বিকাশক সাৱধানে থাকিবলৈ আহ্বান জনাইছে চিকিৎসকৰ লগতে পৰিয়ালৰ লোকেও৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
