অসম লাইভ২৪ঃ তুৰস্কৰ ভয়াৱহ ভূমিকম্পৰ পাছতেই উদ্ধাৰকাৰ্যত সহায় কৰিবলৈ তুৰস্কত উপস্থিত হৈছে ভাৰতৰ দলো৷ অপাৰেছন দোস্তৰ মাধ্যমেৰে ১০১ জনীয়া উদ্ধাৰকাৰী দল তুৰস্কলৈ প্ৰেৰণ কৰিছে ভাৰত চৰকাৰে৷ ভাৰতীয় সেনাই ইতিমধ্যেই বহুকেইগৰাকীক উদ্ধাৰো কৰিছে৷ তাৰেই এটি ছবি ইতিমধ্যে নিজা টুইটাৰ হেণ্ডেলত শ্বেয়াৰ কৰিছে ইণ্ডিয়ান আৰ্মীয়ে৷ ছবিখন ভাইৰেল হৈ পৰা মাত্ৰকেই সকলোৱে ভাৰতীয় জোৱানৰ প্ৰশংসাও কৰা দেখা গৈছে৷
তুৰস্কলৈ পঠোৱা উদ্ধাৰকাৰী দলত আছে মহিলা জোৱানো৷ ছবিখনত থকা অনুযায়ী এগৰাকী মহিলা জোৱানক এগৰাকী তুৰ্কী মহিলাই সাবটি ধৰিছে৷ আঁকি দিছে চেনেহ চুম্বনো৷ ছবিখন দেখা মাত্ৰকেই নেটিজেনে লিখিছে, ‘যুদ্ধ নহয়, বিপদৰ সময়ত যিকোনো দেশৰ মানুহক সাহায্যৰ হাত আগবঢ়োৱাটো ভাৰতীয় সেনাৰ মহানুভৱতা৷ আপোনাক ছ্যেলুট৷’
উল্লেখ্য যে, কেৱল সেনাই নহয়, ভাৰত চৰকাৰে বিপদত পৰা তুৰস্কলৈ পঠিয়াই ঔষধো৷ সহায়ৰ বাবে চিকিৎসকৰ দলো প্ৰেৰণ কৰা হৈছে তুৰস্কলৈ৷ প্ৰতিকুল পৰিবেশতো ভাৰতীয় সেনাই উদ্ধাৰৰ চেষ্টা অব্যহত ৰাখিছে বুলি ইণ্ডিয়ান আৰ্মীৰ অফিচিয়েল ৱেবচাইটত প্ৰকাশ কৰা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
