আকৌ মাজ আকাশৰ বিমানত বিপদ! অলপৰ বাবে প্ৰাণ ৰক্ষা পাৰিল ২৩৬ জন যাত্ৰী৷ বুধবাৰে দুপৰীয়া টাৰ্কিছ এয়াৰলাইন্সৰ যাত্ৰীবাহী বিমানত হঠাৎ জুই দেখা পায়৷ লগে লগেই জৰুৰী ভিত্তিত এয়াৰ ট্ৰেফিক কন্ট্ৰলৰ সৈতে যোগাযোগ কৰি বিমানখন দমদম আন্তৰ্জাতিক বিমানবন্দৰত তৎক্ষণাৎ অৱতৰণ কৰোৱা হয়৷ কেনেকৈ জুই লাগিল সেই বিষয়টো এতিয়াও নিশ্চিতকৈ জানিব পৰা হোৱা নাই৷ অৱতৰণৰ পছতেই বিমানখনৰ পৰীক্ষা কৰি থকা হৈছে৷ যদি কোনো সমস্যা নাই তেন্তে আকৌ যাত্ৰীসকলক লৈ উৰা মাৰিব বুলি জনাইছে এয়াৰলাইন্স কৰ্তৃপক্ষই৷
দমদম বিমানবন্দৰ সূত্ৰৰ পৰা জনা গৈছে টাৰ্কিছ এয়াৰলাইন্সৰ ৭২৭ বিমানখন নেপালৰ কাঠমাণ্ডুৰ পৰা তুৰস্কৰ ইস্তানবুলৰ উদ্দেশ্যে ৰাওনা হৈছিল৷ আছিল ২৩৭ জন যাত্ৰী৷ বিমানখনে যেতিয়া কলকাতাৰ আকাশসীমাৰ কাষলৈ আহে তেতিয়াই পাইলটে লক্ষ্য কৰে যে বিমানৰ সোঁফালৰ পৰা ইঞ্জিনৰ এটা অংশত জুই লাগিছে৷ পাইলটে তৎক্ষণাৎ কলকাতাৰ এয়াৰ ট্ৰেফিক কন্ট্ৰলৰ সৈতে যোগাযোগ কৰে৷ বিমানৰ জৰুৰী অৱতৰণো কৰাব খোজে পাইলটে৷ লগে লগেই কলকাতা এটিচিৰ পৰা সেউজ সংকেত লাভ কৰাৰ পাছতেই কলকাতা বিমানবন্দৰত টাৰ্কিছ বিমানখনে নিৰাপদে অৱতৰণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
