অসম লাইভ ২৪ঃ কেন্দ্ৰৰ নতুন IT নিয়মক লৈ তথ্য প্ৰযুক্তি দপ্তৰৰ কেন্দ্ৰীয় মন্ত্ৰী অশ্বিনী বৈষ্ণৱৰ বিশেষ মন্তব্য। কাৰ্যভাৰ গ্ৰহণৰ প্ৰথম দিনাই IT নিয়ম পালন কৰিবলৈ টুইটাৰ কৰ্তৃপক্ষলৈ নিৰ্দেশনা অশ্বিনী বৈষ্ণৱৰ। ভাৰতত কাম কৰা প্ৰতিটো কোম্পানীয়েই ভাৰতৰ আইন-কানুন মানি চলাটো বাধ্যতামূলক বুলি মন্তব্য কৰে নৱনিযুক্ত মন্ত্ৰীগৰাকীয়ে। এই লৈ চৰকাৰ আৰু টুইটাৰ কৰ্তৃপক্ষৰ মাজত বৰ্তমানেও অব্যাহত আছে মত বিৰোধ। সম্প্ৰতি চৰকাৰক এক সপ্তাহৰ সময় বিচাৰিছে টুইটাৰ কৰ্তৃপক্ষই। অশ্বিনী বৈষ্ণৱে কয়, ‘দেশৰ আইন সকলোৰে বাবে সৰ্বোচ্চ, টুইটাৰ কৰ্তৃপক্ষইও এই নিয়ম পালন কৰিব লাগিব’। উল্লেখ্য, অশ্বিনী বৈষ্ণৱে ৮ জুলাইত সম্প্ৰসাৰিত মোদী মন্ত্ৰীসভাৰ তথ্য প্ৰযুক্তি দপ্তৰ, প্ৰচাৰ বিভাগ আৰু ৰে’ল দপ্তৰৰ কেবিনেট মন্ত্ৰীৰূপে দায়িত্বভাৰ গ্ৰহণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
