ভয়ংকৰ অগ্নিকাণ্ড, একেলগে ছাৰখাৰ শতাধিক ঘৰ, ২ শিশুৱে হেৰুৱালে প্ৰাণ, বহু অগ্নিদ্বগ্ধ
ৰাজধানী দিল্লীত আজি সংঘটিত হৈছে এক ভয়ংকৰ অগ্নিকাণ্ডৰ ঘটনা। যি জুইত ছাৰখাৰ হৈ পৰে ১৫০ৰো অধিক জুপুৰি ঘৰ। ঘটনাত বহু লোক অগ্নিদ্বগ্ধ হৈ পৰে। লগতে প্ৰাণ হেৰুৱাই দুটা শিশুৱে।
এই ভয়ংকৰ ঘটনা সংঘটিত হৈছে দিল্লীৰ ৰোহিনী ছেক্টৰ ১৭ অঞ্চলত। জুপুৰি ঘৰেৰে ভৰ্তি হৈ থকা এটা বস্তি অঞ্চলত এই ব্যাপক অগ্নিকাণ্ড সংঘটিত হয়। এই ঘটনাত ১৫০টাতকৈও অধিক জুপুৰি জ্বলি ছাই হৈ পৰে।
এ এন আইৰ এক্স হেণ্ডেলত শ্বেয়াৰ কৰা অনুসৰি আজি দিনৰ ১১.৫৫ বজাত অগ্নিনিৰ্বাপক বাহিনীয়ে এই অগ্নিকাণ্ডৰ খবৰ লাভ কৰে।
এই তথ্য লাভ কৰাৰ লগে লগে ২০খন অগ্নিনিৰ্বাপক বাহিনীৰ বাহনে সেই স্থানত উপস্থিত হৈ জুই নিয়ন্ত্ৰণৰ চেষ্টা কৰে। লগতে উদ্ধাৰ কৰে দুটিকৈ শিশুৰ মৃতদেহ।
ৰোহিনী জিলাৰ ১৭ নং ছেক্টৰৰ শ্ৰীনিকেতন এপাৰ্টমেণ্টৰ সমীপত অৱস্থিত বস্তিত এক বৃহৎ অগ্নিকাণ্ড। জুই ইমানেই তীব্ৰ আছিল যে আকাশত ধোঁৱাই চানি ধৰে। বৰ্তমানে পৰিস্থিতি নিয়ন্ত্ৰণলৈ আহিছে। আনহাতে আহত সকলক হাস্পতালত ভৰ্তি কৰোৱা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
