আমেৰিকা আৰু ইৰানৰ মাজত প্ৰায় ৪ মাহ ধৰি চলা যুদ্ধ অৱসানৰ দিশে আগবাঢ়িছে। দুয়োখন দেশৰ মাজত শান্তি চুক্তি প্ৰায় চূড়ান্ত পৰ্যায়ত উপনীত হৈছে। ছুইজাৰলেণ্ডৰ জেনেভাত দুয়োখন দেশৰ প্ৰতিনিধিয়ে এই সন্দৰ্ভত মিলিত হ’ব। ইয়াৰ মাজতে E4 দেশ অৰ্থাৎ ব্ৰিটেইন, ফ্ৰান্স, জাৰ্মানী আৰু ইটালীয়ে ইৰানৰ ওপৰত আৰোপ কৰা অৰ্থনৈতিক নিষেধাজ্ঞা উঠাই লোৱাৰ ঘোষণা কৰিছে। কিন্তু ইয়াৰ বাবে দেশকেইখনে ৰাখিছে এটা গুৰুত্বপূৰ্ণ চৰ্ত।
E4 দেশসমূহ ইৰানৰ সন্মুখত কি চৰ্ত ৰাখিছে?
ইউৰোপৰ এই চাৰি শক্তিধৰ দেশ ফ্ৰান্স, জাৰ্মানী, ইটালী আৰু ইংলেণ্ডে যৌথ বিবৃতিযোগে সদৰী কৰা অনুসৰি যদি ইৰানে পাৰমাণৱিক চুক্তিৰ সকলো চৰ্ত সম্পূৰ্ণভাৱে পালন কৰে, তেন্তে তেওঁলোকে ইৰানৰ ওপৰত আৰোপ কৰা সকলো নিষেধাজ্ঞা প্ৰত্যাহাৰ কৰিবলৈ সাজু। ফ্ৰান্স, ইংলেণ্ড, জাৰ্মানী আৰু ইটালীৰ নেতাসকলে যৌথ বিবৃতিযেগে স্পষ্টভাৱে উল্লেখ কৰিছে যে ইৰানক কেতিয়াও পাৰমাণৱিক অস্ত্ৰ লাভ কৰিবলৈ দিয়া নহ’ব। ইয়াৰ বাবে E4-এ আমেৰিকা, ইৰান আৰু ৰাষ্ট্ৰসংঘৰ পাৰমাণৱিক শক্তি পৰ্যবেক্ষণ সংস্থা IAEA-ৰ সৈতে একেলগে কাম কৰিবলৈ সম্পূৰ্ণভাৱে প্ৰস্তুত বুলিও উল্লেখ কৰিছে। বিবৃতিটোত তেওঁলোকে লেবাননৰ স্থিৰতা, সাৰ্বভৌমত্ব আৰু ভৌগোলিক অখণ্ডতাৰ প্ৰতি তেওঁলোকৰ দৃঢ় সমৰ্থনৰ কথা পুনৰবাৰ উল্লেখ কৰিছে
। উল্লেখ্য যে ইৰানক পাৰমাণৱিক অস্ত্ৰ নিৰ্মাণৰ পৰা বিৰত ৰাখিবলৈ E4 দেশসমূহে কঠোৰ অৰ্থনৈতিক নিষেধাজ্ঞা আৰোপ কৰিছিল। এই নিষেধাজ্ঞাৰ অধীনত ইৰানৰ আটাইতকৈ ডাঙৰ আয়ৰ উৎস কেঁচা তেল আৰু গেছ ৰপ্তানিৰ ওপৰত বাধা আৰোপ কৰা হৈছিল। ইয়াৰ উপৰিও ইৰানৰ কেন্দ্ৰীয় বেংকক আন্তঃৰাষ্ট্ৰীয় বেংকিং ব্যৱস্থাৰ পৰা অব্যাহতিও দিয়া হৈছিল, যাতে বিদেশৰ সৈতে বেংকটোৱে ধনৰ লেনদেন কৰিব নোৱাৰে। লগতে, ইৰানৰ পাৰমাণৱিক আৰু সামৰিক কাৰ্যসূচীত ব্যৱহৃত প্ৰযুক্তি আৰু সামগ্ৰীৰ যোগান সম্পূৰ্ণৰূপে বন্ধ কৰি দিয়া হৈছিল। ইৰানৰ বহু ডাঙৰ কোম্পানী, জাহাজ আৰু চৰকাৰী বিষয়াৰ বিদেশত থকা সম্পত্তিও জব্দ কৰা হৈছিল। কেৱল এয়াই নহয় আমেৰিকাই বান্ধি দিয়া চৰ্ত অনুসৰি যদি চুক্তি সম্পন্ন হয় তেনেহলে আমেৰিকায়ো মুক্ত কৰিব ইৰানৰ সম্পত্তি। ইৰানৰ সংবাদ সংস্থা ‘মেহৰ নিউজ এজেন্সী’ৰ প্ৰতিবেদন অনুসৰি, ইতিমধ্যে আমেৰিকাই ইৰানৰ ১২ বিলিয়ন ডলাৰৰ জব্দ কৰা সম্পত্তিও মুক্ত কৰি দিবলৈ সাজু হৈছে। এই পদক্ষেপ ৱাশ্বিংটন আৰু তেহৰানৰ মাজত হোৱা শান্তি চুক্তিৰ ১৪ দফীয়া চৰ্তৰ এটা অংশ। সূত্ৰ অনুসৰি, আলোচনা আনুষ্ঠানিকভাৱে আৰম্ভ হোৱাৰ আগতেই এই ধনৰ আধা অংশ ইৰান দিয়া হ’ব।
। উল্লেখ্য যে ইৰানক পাৰমাণৱিক অস্ত্ৰ নিৰ্মাণৰ পৰা বিৰত ৰাখিবলৈ E4 দেশসমূহে কঠোৰ অৰ্থনৈতিক নিষেধাজ্ঞা আৰোপ কৰিছিল। এই নিষেধাজ্ঞাৰ অধীনত ইৰানৰ আটাইতকৈ ডাঙৰ আয়ৰ উৎস কেঁচা তেল আৰু গেছ ৰপ্তানিৰ ওপৰত বাধা আৰোপ কৰা হৈছিল। ইয়াৰ উপৰিও ইৰানৰ কেন্দ্ৰীয় বেংকক আন্তঃৰাষ্ট্ৰীয় বেংকিং ব্যৱস্থাৰ পৰা অব্যাহতিও দিয়া হৈছিল, যাতে বিদেশৰ সৈতে বেংকটোৱে ধনৰ লেনদেন কৰিব নোৱাৰে। লগতে, ইৰানৰ পাৰমাণৱিক আৰু সামৰিক কাৰ্যসূচীত ব্যৱহৃত প্ৰযুক্তি আৰু সামগ্ৰীৰ যোগান সম্পূৰ্ণৰূপে বন্ধ কৰি দিয়া হৈছিল। ইৰানৰ বহু ডাঙৰ কোম্পানী, জাহাজ আৰু চৰকাৰী বিষয়াৰ বিদেশত থকা সম্পত্তিও জব্দ কৰা হৈছিল। কেৱল এয়াই নহয় আমেৰিকাই বান্ধি দিয়া চৰ্ত অনুসৰি যদি চুক্তি সম্পন্ন হয় তেনেহলে আমেৰিকায়ো মুক্ত কৰিব ইৰানৰ সম্পত্তি। ইৰানৰ সংবাদ সংস্থা ‘মেহৰ নিউজ এজেন্সী’ৰ প্ৰতিবেদন অনুসৰি, ইতিমধ্যে আমেৰিকাই ইৰানৰ ১২ বিলিয়ন ডলাৰৰ জব্দ কৰা সম্পত্তিও মুক্ত কৰি দিবলৈ সাজু হৈছে। এই পদক্ষেপ ৱাশ্বিংটন আৰু তেহৰানৰ মাজত হোৱা শান্তি চুক্তিৰ ১৪ দফীয়া চৰ্তৰ এটা অংশ। সূত্ৰ অনুসৰি, আলোচনা আনুষ্ঠানিকভাৱে আৰম্ভ হোৱাৰ আগতেই এই ধনৰ আধা অংশ ইৰান দিয়া হ’ব।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
