আজি ১ আগষ্টৰ পৰা পৰিবৰ্তিত নিয়ম, বিপদত পৰাৰ পূৰ্বে পুৱাই পঢ়ক সবিশেষ
আজি আগষ্ঠ মাহৰ ১ তাৰিখ, আজিৰে পৰা কিছু সালসলনি হৈ পৰিব নিয়ম। কি কি নিয়মৰ পৰিবৰ্তন হ’ব-
LPG গেছৰ দাম
প্ৰতি মাহৰ আৰম্ভণিতেই তৈল বিপণনী সংস্থাসমূহে আন্তৰ্জাতিক বজাৰত পেট্ৰলিয়ামজাত পণ্যৰ দামৰ পৰ্যালোচনা কৰি LPG চিলিণ্ডাৰৰ দাম ধাৰ্য্য কৰে৷ বিগত মাহত ১৯ কিঃগ্ৰাঃ বাণিজ্যিক LPG চিলিণ্ডাৰৰ দাম কমোৱা হৈছিল৷ ১৪.২ কিঃগ্ৰাঃ এল পি জি চিলিণ্ডাৰৰো দামৰ পৰিবৰ্তন হোৱা নাছিল৷ আগন্তুক আগষ্ট মাহৰ প্ৰথমদিনা LPG চিলিণ্ডাৰৰ দাম কমিব নে বাঢ়িব সেয়া লক্ষ্যণীয় বিষয়৷
গুগল মেপ অধিক সুলভ হৈ পৰে
ভাল খবৰ! ১ আগষ্টৰ পৰা গুগল মেপ ব্যৱহাৰ আৰু সস্তা হ’ব। কোম্পানীটোৱে নিজৰ সেৱাৰ চাৰ্জ ৭০% হ্ৰাস কৰিছে। অৰ্থাৎ এতিয়া কোনো অতিৰিক্ত খৰচ নোহোৱাকৈ গুগল মেপ ব্যৱহাৰ কৰিব পাৰিব।
HDFC বেংকৰ নিয়ম
১ আগষ্টৰ পৰা দেশৰ অন্যতম বৃহত্তম বেচৰকাৰী বেংক HDFC য়ে তেওঁলোকৰ ক্ৰেডিট কাৰ্ডৰ নিয়মত বৃহৎ পৰিবৰ্তন আনিছে৷ HDFC বেংকৰ তৰফৰ পৰা সিদ্ধান্ত লোৱা অনুসৰি এইবাৰ থাৰ্ড পাৰ্টি এপ বা তৃতীয় পক্ষৰ কোনো এপৰ মাধ্যমেৰে ক্ৰেডিট কাৰ্ডৰ লেনদেন কৰিলে তাৰ ওপৰত লেনদেনৰ চাৰ্জ ল’ব বেংকে৷ বেংকৰ তৰফৰ পৰা জনোৱা অনুসৰি ক্ৰেড, চেক, মোবিকুইক আৰু ফ্ৰিচাৰ্জৰ দৰে এপৰ মাধ্যমেৰে লেনদেন কৰিলে ১শতাংশ চাৰ্জ ধাৰ্য কৰা হ’ব৷ সৰ্বাধিক ৩০০০ টকা পৰ্যন্ত চাৰ্জ লোৱা হ’ব৷ ইয়াৰোপৰি ১৫ হাজাৰ টকাৰ লেনদেনৰ ওপৰত ১শতাংশ ছাৰ্ভিছ চাৰ্জ দিব লাগিব৷ ইয়াৰোপৰি EMIৰ ক্ষেত্ৰতো ২৯৯ টকা প্ৰছেচিং চাৰ্জ লোৱা হ’ব৷
আই টি আৰ দাখিল কৰাত পলম নকৰিব
আপোনালোকক জনাওঁ যে আয়কৰ বিভাগে আয়কৰ দাখিলৰ অন্তিম তাৰিখ হিচাপে ৩১ জুলাই নিৰ্ধাৰণ কৰিছে। যদি আপুনি নিৰ্ধাৰিত তাৰিখৰ আগতে আয়কৰ ৰিটাৰ্ণ দাখিল নকৰে তেন্তে ৫০০০ টকা পৰ্যন্ত জৰিমনা ভৰিব লাগিব। যদি আপোনাৰ আয় ৫ লাখতকৈ কম হয় তেন্তে জৰিমনা ১০০০ টকা পৰ্যন্ত হ’ব পাৰে আৰু আয় ৫ লাখতকৈ অধিক হ’লে আইটিআৰ পলমকৈ দাখিল কৰাৰ জৰিমনা ৫ হাজাৰ টকা পৰ্যন্ত হ’ব পাৰে।
সস্তা হ’ব গুগল মেপ
১ আগষ্টৰ পৰা ভাৰতত সস্তা হ’ব গুগল মেপ পৰিসেৱা৷ এইবাৰৰ পৰা গ্ৰাহকসকলে ৭০ শতাংশ কম চাৰ্জ দিব লাগিব৷ ইয়াৰোপৰি ডলাৰৰ পৰিবৰ্তে ভাৰতীয় মুদ্ৰাতেই চাৰ্জ লোৱা হ’ব৷ সাধাৰণ ব্যৱহাৰকাৰীৰ ওপৰত কোনো চাৰ্জৰ কথা নাই৷ তেওঁলোকে কোনো চাৰ্জ দিব নালাগে৷
বেংকৰ ছুটি
আগষ্ট মাহত কেইবাটাও উল্লেখযোগ্য দিন আছে৷ যেনে স্বাধীনতা দিৱস, জন্মাষ্টমী আদি৷ এইকেইটা দিনত বন্ধ থাকিব বেংক পৰিসেৱা৷ শনি, দেওবাৰকে ধৰি এই বিশেষ দিনকেইটাক লৈ মুঠ ১৩দিন বন্ধ থাকিব বেংক পৰিসেৱা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
