অসম লাইভ২৪ঃ দেশজুৰি এইবাৰ UPI ATM খোলাৰ পৰিকল্পনা কৰিছো মোদী চৰকাৰে। ডেবিট বা ক্ৰেডিট কাৰ্ড অবিহনেই এতিয়াৰে পৰা বেংকৰ জমাধন উলিয়াব পাৰিব গ্ৰাহকে। এটিএমৰ পৰা ধন উলিয়াবলৈকো হাতত থাকিব লাগিব কেৱল মোবাইল ফোনটো। কেনেকৈ কাম কৰিব এই ATMয়ে? UPI ATMৰ পৰা ধন উলিয়াবলৈ কি কৰিব লাগিব?
১) UPI-ATMৰ পৰা ধন উলিয়াবলৈ কেইবাটাও পৰ্যায়ৰ মাজেৰে যাব লাগিব। গ্ৰাহকে পোনতে ATM ত গৈ UPI কেছ উইথড্ৰয়েল অপশ্ব্যন চিলেক্ট কৰিব লাগিব।
২) ইয়াৰ পাছতেই যিমান পৰিমানৰ ধন উলিয়াব সেই এমাউণ্টটো লিখিব লাগিব।
৩) টকাৰ এমাউণ্ট লিখাৰ পাছত ATMৰ স্ক্ৰিণত ভাঁহি আহিব বিশেষ QR কোড।
৪) গ্ৰাহকে এইবাৰ নিজৰ UPI এপলৈ যাওক। তাতেই স্কেনাৰ উলিয়াই QR কোডটো স্কেন কৰি লওক।
৫) স্কেনিং শেষ হ’লে গ্ৰাহকে UPI এপত নিৰ্দিষ্ট পিন নম্বৰটো দিব লাগিব।
৬) পিন নম্বৰ দিয়াৰ পাছতহে ATMৰ পৰা টকা উলাই আহিব।
UPI-ATM ব্যৱহাৰৰ সুবিধাসমূহ কি কি?
UPI-ATM ব্যৱহাৰৰ ক্ষেত্ৰত প্রথম সুবিধা হৈছে ধন উলিওৱাৰ বাবে গ্ৰাহকে সকলোসময়তে হাতত ডেবিট বা ক্ৰেডিট কাৰ্ড বহন কৰি নুফুৰিলেও হ’ব। ATMৰ পৰা একাউণ্ট বেলেন্সৰ কাগজ উলিওৱাৰো প্ৰয়োজন নাই। গ্ৰাহকে নিজৰ UPI লৈ গৈয়েই একাউণ্ট বেলেন্স চাব পাৰিব।
UPI-ATMৰ পৰা এবাৰত কিমান টকা উঠাব পাৰিব?
এই পদ্ধতিত গ্ৰাহকে এবাৰত ১০ হাজাৰ টকা পৰ্যন্ত ধন উঠাব পাৰিব। উল্লেখ্য যে, ডেবিট বা ক্ৰেডিট কাৰ্ডৰ গ্ৰাহকেও এবাৰত এই পৰিমাণৰ ধনেই ATM ৰ পৰা উঠাব পাৰে। অৰ্থাৎ টকা উঠোৱাৰ ক্ষেত্ৰত পৰিমাণৰ ক্ষেত্ৰত নিয়মৰ সলনি নহয়।
UPI-ATMৰ পৰা মুঠ কিমান ধন উঠাব পাৰিব?
সম্প্ৰতি UPIক লৈ নতুন নিৰ্দেশনা আনিছে ৰিজাৰ্ভ বেংক অফ ইণ্ডিয়া বা RBIয়ে। তাতেই UPIৰ মাধ্যমেৰে লেনদেনৰ ঊৰ্ধসীমা বঢ়াই ১লাখ পৰ্যন্ত কৰা হৈছে। UPI-ATMৰ ক্ষেত্ৰতো একেই নিয়মেই থাকিব। ATMসংক্ৰান্তীয় পূৰ্বৰ সকলো নিয়ম একেই থাকিব।
UPI-ATM ব্যৱহাৰৰ ডেমো ভিডিঅ’ শ্বেয়াৰ
বিগত বৃহস্পতিবাৰে UPI-ATM ব্যৱহাৰৰ এটা ডেমো ভিডিঅ’ X হেণ্ডেলত প্ৰকাশ কৰিছে কেন্দ্ৰীয় মন্ত্ৰী পীয়ূষ গোৱেলে। তাতেই কেনেকৈ UPI-ATM ব্যৱহাৰ কৰিব সেই পদ্ধতি দেখুওৱা হৈছে। বিগত কেইঘণ্টামান ধৰি এই ভিডিঅ’ সমগ্ৰ দেশজুৰি ভাইৰেলো হৈ পৰিছে।
https://x.com/PiyushGoyal/status/1699652077679767851?s=20
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
