অসম লাইভ ২৪ ডিজিটেল ডেস্কঃ UPSC-এ ৱেবচাইটযোগে ঘোষণা কৰিলে কেবাটাও পৰীক্ষাৰ সূচী৷ সেইমর্মে অসামৰিক সেৱা আৰু IFSৰ প্ৰাৰম্ভিক পৰীক্ষা অনুষ্ঠিত হ’ব চলিত বর্ষৰ ৪ অক্টোবৰত৷ অসামৰিক সেৱাৰ মূল পৰীক্ষা অনুষ্ঠিত হ’ব আগন্তুক বর্ষৰ ৮ জানুৱাৰীত৷ ২০২০ বর্ষৰ ‘ইণ্ডিয়ান ফৰেষ্ট ছার্ভিচ’ (IFS)ৰ মূল পৰীক্ষা অনুষ্ঠিত হ’ব আগন্তুক বর্ষৰ ২৮ ফেব্ৰুৱাৰীত৷ ২০২০ বর্ষৰ NDA & NA Exam-I আৰু NDA & NA Exam-II অনুষ্ঠিত হ’ব চলিত বর্ষৰ ৬ ছেপ্টেম্বৰত৷ ২০১৯ বর্ষৰ চিভিল ছার্ভিচেছ (মেইন)ৰ বাকী ৰোৱা প্ৰার্থীসকলৰ পার্ছনেলিটি টেষ্ট অনুষ্ঠিত হ’ব চলিত বর্ষৰ ২০ জুলাইত৷ এইসকল প্ৰার্থীক কেন্দ্ৰীয় লোকসেৱা আয়োগৰ তৰফৰ পৰা এই সন্দর্ভত ব্যক্তিগতভাৱে জনোৱা হ’ব৷ বিগত দুমাহ ধৰি বন্ধ হৈ থকা আন কিছু পৰীক্ষা সন্দর্ভত আয়োগে ৫ জুনৰ বৈঠকত সিদ্ধান্ত গ্ৰহণ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
