অসম লাইভ ২৪ঃ ১৫ অক্টোবৰত ২৫ বছৰীয়া হ’ল বিতৰ্কিত অভিনেত্ৰী উৰ্ফী জাভেদ। বল্ড ষ্টাইলৰ বাবেই বাৰে বাৰে চৰ্চাৰ শিখৰলৈ অহা অভিনেত্ৰীগৰাকীয়ে ওপজা দিনৰ প্ৰাকক্ষণত জীৱনৰ ধুসৰ কিছু অধ্যায়ৰ কথা নিজমুখেই প্ৰকাশ কৰিছে। প্ৰাক্তন প্ৰেমিকৰ সৈতে প্ৰি-বাৰ্থডে উদযাপনৰ পিছতেই ব্যক্তিগত জীৱনৰ কিছু ঢাকি ৰখা অধ্যায় পোহৰলৈ আনিছে অভিনেত্ৰীগৰাকীয়ে।
উৰ্ফীৰ জীৱনতো আছে কিছু বেদনাদায়ক অধ্যায়। অতীতৰ কিছু কথাই কঠোৰ কৰি তোলা উৰ্ফীক চলিত সমালোচনাবোৰে কিয় ক্ৰিয়া কিৰব নোৱাৰে সেই সম্পৰ্কেও মন্তব্যত প্ৰকাশ কৰিছে উৰ্ফীয়ে। দুবছৰ পূৰ্বেই নিজ পিতৃয়ে মানসিক আৰু শাৰীৰিক নিৰ্যাতন চলাইছিল উৰ্ফীক। পিতৃয়ে দিয়া শাৰীৰিক-মানসিক যন্ত্ৰণা সহিব ঘৰ এৰি দিল্লীলৈ ৰাওনা হৈছিল উৰ্ফী। কেৱল এয়াই নহয়, মাত্ৰ ১১ বছৰ বয়সতেই উৰ্ফীক এডাল্ট ছবিত কাম কৰিবলৈ বাধ্য কৰোৱা হৈছিল।
এডাল্ট ছবিত অভিনয় কৰাৰ পিছতেই আত্মীয়-স্বজনেও উৰ্ফীক কটাক্ষ কৰা আৰম্ভ কৰিছিল। উৰ্ফীয়ে নিজৰ জীৱনৰ ক’লা অধ্যায়ৰ কথা প্ৰকাশ কৰাৰ লগতে কয় যে উৰ্ফীয়ে কাহানিও মুছলমান সম্প্ৰদায়ৰ যুৱকৰ সৈতে বিয়াত নবহে, মুছলমান ধৰ্মৰ প্ৰতি আনুগত্য কেতিয়াবাই হেৰুৱাই পেলোৱা বুলিও মন্তব্যত উল্লেখ কৰে উৰ্ফী জাভেদে।
উত্তৰপ্ৰদেশৰ এখন সাধাৰণ ঘৰৰ পৰা মায়ানগৰী মুম্বাইলৈ যাত্ৰা কৰা উৰ্ফীয়ে যাত্ৰাপথত পদে পদে পাইছে বাধা। আনকি বিগ বছত সুযোগ পাওঁতে পিন্ধিবলৈ পোছাকৰো অভাৱ আছিল উৰ্ফীৰ। খুব কম বয়সতেই মুম্বাইত নিজকে প্ৰতিষ্ঠা কৰাৰ দৌৰত উৰ্ফীয়ে জীৱনত বহু ঘাত-প্ৰতিঘাতেৰে মোকাবিলাও কৰিব লগা হৈছে বুলি ওপজা দিনৰ প্ৰাকক্ষণত দিয়া এক সাক্ষাৎকাৰত উল্লেখ কৰিছে বিতৰ্কিত নায়িকা উৰ্ফী জাভেদে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
