লেবাননত বছৰ বছৰ ধৰি পণবন্দী কৰি ৰখা আমেৰিকাৰ সাংবাদিক টেৰী এণ্ডাৰছন নিহত
আমেৰিকাৰ সাংবাদিক টেৰী এণ্ডাৰছনৰ মৃত্যু। প্ৰায় সাত বছৰ ধৰি লেবাননত ইছলামিক সন্ত্ৰাসবাদীয়ে পণবন্দী কৰি ৰখা টেৰী এণ্ডাৰছনৰ নাম সমগ্ৰ বিশ্বতে চৰ্চাৰ বিষয় হৈ পৰিছিল।
সেই টেৰী এণ্ডাৰছনেই ৭৬ বছৰ বয়সত নিউয়ৰ্কৰ নিজৰ ঘৰত শেষ নিশ্বাস ত্যাগ কৰে । টেৰী এণ্ডাৰছন আছিল মধ্যপ্ৰাচ্যৰ এটা ডাঙৰ সংবাদ মাধ্যমৰ মুখ্য সম্পাদক, যি লেবাননত আটাইতকৈ দীৰ্ঘদিনীয়া সময় ধৰি পণবন্দী হৈ থকা পশ্চিমীয়া নাগৰিক আছিল।
টেৰীক পণবন্দী কৰি ৰাখিছিল এটা ছিয়া মুছলমান সন্ত্ৰাসবাদী সংগঠনে। এই সময়ছোৱাত টেৰীক হাত-ভৰি বান্ধি চকুত কাপোৰ বান্ধি এটা কোঠাত ৰখা হৈছিল, য’ত অতি কম পোহৰ আছিল।
মুক্তিৰ পিছত টেৰীয়ে কয় যে এটা সময়ত তেওঁ উন্মাদ হৈ আত্মহত্যা কৰিব বিচাৰিছিল, কিন্তু তেওঁৰ ৰোমান কেথলিক বিশ্বাসৰ বাবেই তেনে সিদ্ধান্তৰ পৰা নিজকে দুৰত ৰাখিছিল।
অৱশেষত ১৯৯১ চনৰ ডিচেম্বৰ মাহত টেৰীক মুকলি কৰি দিয়া হয়। টেৰীৰ কন্যা ছুলোমে কয় যে পণবন্দী কৰি ৰখাৰ সময়ত তেওঁৰ পিতৃয়ে বহুত কষ্ট ভোগ কৰিছিল।
চুল্লমে টেৰীৰ শেষ ইচ্ছাৰ বিষয়ে অৱগত কৰি কয় যে, ‘ মানুহে তেওঁক তেওঁৰ আটাইতকৈ বেয়া অভিজ্ঞতাৰ বাবে নহয়, তেওঁ কৰা সামাজিক কামৰ বাবেহে তেওঁক মনত ৰাখক। যেনেকৈ তেওঁ ভিয়েটনামৰ ল’ৰা-ছোৱালীৰ বাবে এটা পুঁজি সৃষ্টি কৰিছিল। সাংবাদিকৰ সুৰক্ষাৰ বাবে এখন সমিতি গঠনকে ধৰি বহু ভাল কাম কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
