মিলনৰ সময়তে শেষ কৰি পুৰুষসংগীক, নিজেই জনালে কিয়, কেনেকৈ চৰম মুহূৰ্তত শেষ কৰিলে পুৰুষসংগীক?

যৌন সংগমৰ সময়ত সংগীৰ ডিঙি চেপি হত্যা কৰাৰ অভিযোগ উঠিলে এগৰাকী মহিলাৰ বিৰুদ্ধে৷ উত্তৰপ্ৰদেশৰ বৰেলীত এই ঘটনা৷ ঘটনাৰ তদন্তত নামি আৰক্ষীও হতবাক হৈ পৰিছে৷ আৰক্ষী সূত্ৰৰ খবৰ অনুসৰি অভিযুক্ত মহিলাৰ দাবী যে সেই ব্যক্তিয়ে দীৰ্ঘদিন ধৰি হত্যাৰ ধমকি দি মহিলাগৰাকীৰ সৈতে শাৰীৰিক সম্পৰ্ক গঢ়ি আহিছিল৷ এই মানসিক আৰু শাৰীৰিক অত্যাচাৰ আৰু সহ্য কৰিব নোৱাৰিয়ে হত্যা কৰিলো বুলি স্বীকাৰোক্তি দিছে অভিযুক্ত মহিলাই৷ নিহত ব্যক্তিৰ নাম ইকবাল৷ দুদিন পূৰ্বে নিজৰ ঘৰত উদ্ধাৰ হৈছে ইকবালৰ দেহ৷ সেই ঘটনাৰ তদন্তত নামিয়েই আৰক্ষীয়ে গ্ৰেপ্তাৰ কৰিছে হত্যাকাৰী মহিলাক৷

PTIৰ প্ৰতিবেদন অনুসৰি আৰক্ষীয়ে জনাইছে যে ইকবাল এজন জৰী শিল্পী৷ সেই মহিলা যি গাওঁত বসবাস কৰে তালৈ নিতৌ গৈছিল ইকবাল৷ সেই ধৰণেই দুজনৰ মাজত চা চিনাকি গঢ়ি উঠিছিল৷ ফোন নম্বৰৰ আদান প্ৰদান হৈছিল৷ দুজনৰ মাজত ফোনত কথা বতৰাও হৈছিল৷ অভিযুক্ত মহিলাই আৰক্ষীক জনাইছে যে ইকবালে এদিন মহিলাগৰাকীক নিজৰ ঘৰলৈ যাবলৈ কৈছিল৷ মহিলাগৰাকী যেতিয়া ইকবালৰ ঘৰত উপস্থিত হয় তেতিয়াই ইকবালে জোৰ কৰি শাৰীৰিক সম্পৰ্ক গঢ়িব খোজে৷ মহিলাগৰাকী ৰাজি নোহোৱাত মহিলাগৰাকীৰ সৈতে কৰা বাৰ্তালাপৰ ফোন ৰেকৰ্ডিং ভাইৰেল কৰি দিয়াৰ ভাবুকি দিয়ে৷

সংসাৰ ভাঙি যোৱাৰ ভয়ত মহিলাগৰাকীয়ে ইকবালৰ দাবী মানি মনে মনে শাৰীৰিক সম্পৰ্ক গঢ়ি তোলে৷ কিন্তু এই ঘটনা এদিনতেই শেষ নহ’ল৷ বাৰে বাৰে একেই ধমকি দি সম্পৰ্ক গঢ়ি থাকিল ইকবালে৷ সন্তানৰ কথা ভাৱি পোনতে মনে মনে থকা মহিলাগৰাকীয়ে পাছত আৰক্ষীৰ কাষো চাপে৷ আৰক্ষীৰ কাষ চপাৰ কেইটামান দিন পাছতেই মহিলাগৰাকীয়ে নিজেই হত্যা কৰে ইকবালক৷ আৰক্ষীৰ ওচৰত মহিলাগৰাকীয়ে হত্যাক লৈ দিয়া স্বীকাৰোক্তিত জনাইছে যে, হয় ইকবালক হত্যা কৰা নহয় নিজকে শেষ কৰা এই দুই অপশ্ব্যনেই আছিল হাতত, সেয়ে তেওঁ এই সিদ্ধান্ত লৈছে৷