অসম লাইভ ২৪ঃ সকলোৱে বিচাৰে, নতুন বছৰে জীৱনলৈ সুখ-সমৃদ্ধি কঢ়িয়াই আনক, মা লক্ষ্মীৰ কৃপাদৃষ্টি পৰক জীৱনত৷ জ্যোতিষশাস্ত্ৰৰ মতে, কৰ্ম লগতে ভাগ্যৰ ওপৰত বহুখিনি নিৰ্ভৰ কৰে ধন-ঐশ্বৰ্য আৰু সুখ-সমৃদ্ধি৷ কিন্তু এনে কিছু বাস্তুসন্মত নিয়ম আছে যিসমূহ মানি চলিলে আৰ্থিক সমস্যাৰ পৰা কিছু সকাহ পাব পাৰি৷ এনে কিছু বস্তু যিয়ে আপোনাক ভাগ্যশালী কৰি তুলিবঃ
‘চলিড চিলভাৰ’ৰ হাতীঃ নতুন বছৰ আৰম্ভ হোৱাৰ পূৰ্বে এইবিধ সামগ্ৰী ঘৰলৈ আনক৷ জ্যোতিষশাস্ত্ৰ অনুসৰি ‘চলিড চিলভাৰ’ৰ হাতীৰ চমৎকাৰী প্ৰভাৱ পৰে ঘৰখনত৷ ঘৰত হাতী ৰাখিলে সুখ-সমৃদ্ধি তথা শান্তি বৰ্তি থাকে৷
ধাতুৰ কাছঃ ধাতুৰ কাছ ঘৰৰ বাবে চমৎকাৰী৷ ৰূপ, পীতল বা কাঁচৰ কাছক শুভ মনা হয়৷ ঘৰৰ উত্তৰ দিশত এনে ধাতুৰ কাছ ৰাখিলে ঘৰৰ নকৰাত্মক প্ৰভাৱ দূৰ হয় আৰু ঘৰলৈ শান্তি- সমৃদ্ধি ঘূৰি আহে৷
লাফিং বুদ্ধাঃ নতুন বছৰৰ শুভ ক্ষণত ঘৰলৈ আনক লাফিং বুদ্ধা৷ ঘৰৰ উত্তৰ-পূব দিশত ৰাখিব লাগে এইবিধ সামগ্ৰী৷ লাফিং বুদ্ধা ঘৰত ৰাখিলে অৰ্থৰ অভাৱ কেতিয়াও অনুভৱ নহয়৷
স্বাস্তিকৰ চিত্ৰঃ ঘৰত স্বাস্তিকৰ চিত্ৰ ৰাখিলে মনোবাঞ্চা পূৰণ হয় বুলি বিশ্বাস কৰা হয়৷ শাস্ত্ৰত স্বাস্তিকক মা লক্ষ্মী আৰু গণপতিৰ প্ৰতীক মনা হয়৷ স্বাস্তিকৰ দ্বাৰা পৰিয়াল, ধন, স্বাস্থ্যসম্বন্ধীয় সকলো সমস্যা দূৰ হয়৷
ময়ূৰ চৰাইৰ পাখিঃ ময়ূৰ চৰাইৰ পাখি অত্যন্ত শুভ আৰু চমৎকাৰী৷ ভাগ্যবৰ্ধক ময়ূৰ চৰাইৰ পাখি৷ ই ভাগ্যৰ সকলো দূষ খণ্ডন কৰে৷ কিন্তু মনত ৰাখিব ঘৰত কেৱল ১-৩টাহে ময়ূৰ পাখি ৰখাটো উচিত৷
গোমতি চক্ৰঃ সাধাৰণ পাথৰৰ দৰে দেখা গোমতি চক্ৰ অতি চমৎকাৰী সামগ্ৰী৷ কেৱল গোমতী নদীত পোৱা যায় কাৰণে ইয়াক গোমতি চক্ৰ বুলি কোৱা হয়৷ গোমতি চক্ৰ ঘৰত থাকিলে গৃহস্থৰ ওপৰত শত্ৰুৰ নেতিবাচক প্ৰভাৱ নপৰে৷ গোমতি চক্ৰ সেন্দুৰৰ টেমাত ৰাখিব লাগে৷
শংখঃ প্ৰায় সকলো লোকৰ ঘৰত শংখ দেখিবলৈ পোৱা যায় যদিও ম’টি শংখক ঘৰৰ বাবে শুভ মনা হয়৷ বিধি বিধান মানি ম’টি শংখ পূজা কৰি ঘৰত ৰাখিলে ঘৰ তথা ব্যৱসায়িক প্ৰতিস্থানৰ বাবে অতি লাভদায়ক৷
ভাটৌ চৰাইৰ মূৰ্তি অথবা চিত্ৰঃ বাস্তুবিধি অনুসৰি, ঘৰৰ উত্তৰ দিশত ভাটৌ চৰাইৰ মূৰ্তি অথবা ছবি ৰাখিলে ঘৰখনৰ শিশুৰ বাবে অতি লাভদায়ক৷ শিশুৰ পঢ়াত মন লগোৱা, সৌভাগ্য আদিৰ বাবে ভাটৌ চৰাই লাভদায়ক৷ যদি আপুনি বেমাৰ, নিৰাশা, দৰিদ্ৰতা অথবা জীৱনত শান্তিৰ অভাৱ অনুভৱ কৰিছে তেন্তে নতুন বছৰৰ পূৰ্বে ঘৰলৈ এটি ভাটৌ চৰাই লৈ আনক৷ ই আপোনাৰ জীৱনৰ সকলো সমস্যা সমাধান কৰিব৷
তুলসী আৰু মানি প্লাণ্টঃ নতুন বছৰত ঘৰত যিকোনো প্ৰকাৰৰ ইনদ’ৰ প্লেন্ট ৰখাটো শুভ হ’ব৷ তুলসী অথবা মানি প্লাণ্টো ৰাখিব পাৰে ঘৰৰ ভিতৰত৷ এনেধৰণৰ উদ্ভিদ ৰখাটো ঘৰৰ বাবে শুভ৷
Click Here for more:
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
