কথাতেই কোৱা হয় অৰ্থই হৈছে ইচ্ছা পূৰণৰ চাবিকাঠি৷ ধনী হোৱাৰ সপোন কম বেছি সকলোৱেই দেখে৷ কিন্তু কিমানজনৰ সেই সপোন পূৰণ হয়৷ মোটা অংকৰ ধন আহিলেও সেই ধন হাতত নাথাকে৷ প্ৰকৃততে বাস্তুমতে দৈনিক কিছু অভ্যাসে আমাৰ অৰ্থ সঞ্চয়ৰ পথত বাধাৰ সৃষ্টি কৰে৷ সেইসমূহ নিয়ম বৰ্জন কৰিলেই মাহৰ শেষক পকেটত থাকিব মোটা অংকৰ ধন৷
কি কি নিয়ম মানি চলিব?
১. দক্ষিণ পশ্চিমত খিৰিকি বা দুৱাৰ
যদি অৰ্থ সঞ্চয় কৰাত সমস্যা হৈছে তেন্তে জানিব যে তাৰ আঁৰত দক্ষিণ-পশ্চিম দিশত বাস্তু ভাৰসাম্যহীনতা আছে৷ বাস্তু অনুসৰি ঘৰৰ দক্ষিণ পশ্চিম কোণত এখন খিৰিকি বা দুৱাৰ থাকিলে আৰ্থিক অস্থিৰতাই দেখা দিয়ে৷ এই দিশ স্থিতিশীলতা আৰু ভিত্তিৰ সৈতে সম্পৰ্কিত৷
২. অবিৰাম পানীৰ লিকেজ বা অপচয়
টেপৰ পৰা এফুট এফুটকৈ অনবৰতে পানী পৰি থকা, পাইপৰ ফুটাৰ পৰা পানী পৰি থাকিলে বাস্তুশাস্ত্ৰৰ এটা প্ৰধান ত্ৰুটি হিচাপে বিবেচনা কৰা হয়৷ বাস্তুত পানী সম্পদৰ প্ৰতীক৷ যদি এই লিকেজ হয় বা কাৰণ অবিহনেই নষ্ট হয় তেন্তে অপ্ৰয়োজনীয় ব্যয় বৃদ্ধি কৰে আৰু আৰ্থিক সম্পদৰ অৱসান হয় বুলি প্ৰচলিত বিশ্বাস৷
৩. বিচনাত বহি খাদ্য গ্ৰহণ
বাস্তুৱে জীৱনযাত্ৰাৰ অভ্যাসকো নিয়ন্ত্ৰণ কৰে৷ বিচনাত বহি নিয়মিত খাদ্য খোৱাটোৱে অভাৱ মাতি আনে বুলি কোৱা হয়৷ এই অভ্যাসে খাদ্য আৰু প্ৰাচুৰ্যৰ সৈতে সম্পৰ্কিত শক্তি প্ৰবাহক ব্যাহত কৰে যাৰ ফলত পৰিয়ালত পুষ্টি আৰু আৰ্থিক সংকট মাতি আনিব পাৰে৷
৪. বাথৰুমৰ দুৱাৰ খোলা ৰখা
যদি আপোনাৰ বাথৰুম ঘৰৰ ভিতৰত হয় আৰু তাৰ দুৱাৰ প্ৰায়েই খোলা থাকে তেন্তে ইয়ো আৰ্থিক সমস্যাও কাৰণ হব পাৰে৷ কাৰণ খোলা বাথৰুমৰ দুৱাৰে ঘৰত নেতিবাচক শক্তি সঞ্চালনৰ সুযোগ দিয়ে বুলি ধাৰণা কৰা হয়৷ সেয়ে অৰ্থনৈতিক চাপ কমাবলৈ বাথৰুমৰ দুৱাৰ সকলো সময়তে বন্ধ কৰি ৰখাৰ পৰামৰ্শ দিয়ে বাস্তু শাস্ত্ৰি৷
৫. বিচনা পৰিষ্কাৰকৈ ৰখা
পুৱা নিয়মিতভাৱে বিচনা পৰিষ্কাৰ কৰক৷ শাস্ত্ৰই কৈছে পুৱাই টোপনিৰ পৰা উঠাৰ পাছত বিছনা চফাকৈ ৰাখিব লাগে৷ পৰিষ্কাৰ বিচনাই সৌভাগ্য আৰু বাহী বিচনাই দুৰ্ভাগ্যক আকৰ্ষণ কৰে বুলি কয় শাস্ত্ৰ বিশেষজ্ঞসকলে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
