অসম লাইভ২৪ঃ দেওবাৰে দীপাৱলীৰ দিনাই মুক্তিলাভ কৰিছে টাইগাৰ-৩য়ে৷ পুৱা ৬বজাৰ প্ৰথম দৰ্শনীৰ পৰাই দেশৰ বিভিন্ন চিনেমা হলত লগোৱা হৈছে টাইগাৰ-৩৷ শনিবাৰে মুম্বাইত ছবিখনৰ স্ক্ৰিনিঙৰ পাছতেই বলীউডতো ছবিখনক লৈ হৈ চৈ লাগিছে৷ বলীউডৰ একাধিক তাৰকাই শনিবাৰেই টাইগাৰ-৩ উপভোগো কৰিলে৷ এই ছবিত প্ৰত্যাবৰ্তন ঘটিছে টাইগাৰ যুঁটিৰো৷ আকৌ একেলগে দেখা গৈছে ছলমান খান আৰু কেটৰীণা কাঈফক৷ ছলমানৰ হাতত ধৰিয়েই কেটে বলীউডত স্থান লাভ কৰা বুলি বহুসময়ত বহুজনে কৈ আহিছিল৷ এইবাৰ আকৌ টাইগাৰ-৩ত একেলগে দেখা গৈছে দুই তাৰকাক৷
বিবাহৰ পাছত আকৌ এবাৰ প্ৰাক্তন প্ৰেমিকৰ সৈতে কেটে অভিনয় কৰা বিষয়টোক কেনেধৰণে গ্ৰহণ কৰিছে তেওঁৰ স্বামী বিকিয়ে এই বিষয়টোও নেটিজেনে চৰ্চা কৰা দেখা গৈছে৷ ছলমানৰ সৈতে কেইবাবছৰ ধৰি সম্পৰ্কত থকাৰ পাছত বিচ্ছেদ হয় ছলমান আৰু কেটৰ৷ এই বিচ্ছেদৰ কাৰণ ছলমানৰ বদমেজাজ৷ ছলমানৰ সৈতে সম্পৰ্ক বিচ্ছেদ হোৱাৰ পাছতেই কেটে বিবাহপাশত আৱদ্ধ হয়৷ বিকি কৌশলৰ সৈতে কেটৰ বৰ্তমান এখন সুখৰ সংসাৰ৷
বহুদিনৰ অন্তত ছবিত কেটৰীণাৰ সৈতে ছলমানক দেখা গৈছে৷ একশ্ব্যন, ৰোমান্স সকলো আছে ছলমানৰ ছবি টাইগাৰ-৩ত৷ প্ৰথম দিনাই ছবিখন ছাবৰ বাবে উপস্থিত হৈছে কেটৰীণাৰ স্বামী বিকি কৌশলো৷ ডাঙৰ পৰ্দাত ছলমানৰ সৈতে পত্নী কেটৰ ৰোমান্স চাই ওলাই অহাৰ পাছতেই বিকিয়ে সংবাদ মাধ্যমৰ আগত ছবিখন আৰু কেটৰ অভিনয়ক লৈ কেইবাটাও মন্তব্য কৰিছে৷ অভিনেতাজনে সাংবাদিকক জনোৱাৰ ওপৰিও সামাজিক মাধ্যমতো শ্বেয়াৰ কৰিছে বিশেষ পোষ্ট৷ পোষ্টত বিকিয়ে লিখিছে, ‘টাইগাৰ-৩ প্ৰকৃত অৰ্থত ২০২৩ ৰ দীপাৱলীৰ শ্ৰেষ্ঠ উপহাৰ৷ কি দুৰ্দান্ত অভিনয় জোৱা, টাইগাৰ আৰু আতিশৰ৷ যশৰাজৰ গোটেই টীমকেই মই শুভেচ্ছা জনাইছো৷’ এই পোষ্টেৰে তেওঁ পত্নীৰ চিনেমা সকলোকে চাবৰ বাবেও উৎসাহ যোগাইছে৷
কেটৰীনাৰ দৰে জনপ্ৰিয় এগৰাকী অভিনেত্ৰীক পত্নী হিচাপে লাভ কৰি যথেষ্ট সুখী বুলি বহুসময়তেই বিকিয়ে কৈ আহিছে৷ ইফালে বিকি আৰু ছলমানৰ সম্পৰ্কও খুবেই ভাতৃসুলভ৷ যদিও ছলমান কেটৰীণাৰ এক্স বয়ফ্ৰেণ্ড সেই বিষয়ক লৈ কিন্তু বিকি আৰু ছলমানৰ মাজত কাহানিও মনোমালিন্য হোৱা নাই৷ ছলমানে কিন্তু কেটৰ অন্য প্ৰেমিকসকলৰ সৈতে বিশেষ সম্পৰ্ক কাহানিও ৰাখিব নোখোজে৷ বিকিৰ ক্ষেত্ৰত ছলমান ব্যতিক্ৰম৷ ছলমানে কেটৰ স্বামী হিচাপে বিকিক গ্ৰহণ কৰিবলৈ টান পালেও এজন ভাতৃৰ দৃষ্টিৰে মৰম কৰে বিকিক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
