বিতৰ্কত সোমাই পৰিছে এইবাৰ বলীউড অভিনেতা বিকি কৌশল৷ নাৰীবিদ্বেষী বুলিও কটাক্ষ কৰা হৈছে তেওঁক৷ বিবাহৰ পাছতেই পুৰুষৰ ভিতৰত আৰু জোছ নাথাকে বুলি মন্তব্য কৰিছে তেওঁ৷ এই মন্তব্যৰ পাছতেই বিতৰ্কত সোমাই পৰিছে অভিনেতা বিকি৷ বিকিয়ে তেওঁৰ পত্নী কেটক লৈ এনে কৰিছে বুলি বহুজনেই মতপোষণো কৰিছে৷
২০২১ চনৰ ডিচেম্বৰ মাহত কেটৰিনাক বিবাহ কৰাইছিল বিকিয়ে৷ সম্প্ৰতি তেওঁলোকৰ জীৱনলৈ সন্তানৰো আগমন হৈছে৷ বলীউডত দুয়োকে পাৱাৰ কাপল বুলিও কোৱা হয়৷ কিন্তু সম্প্ৰতি নিজৰ পত্নী আৰু বিবাহক লৈ বিকিৰ মন্তব্যক মুঠেও যোগাত্মকভাৱে লোৱা নাই নেটনাগৰিকে৷ এই ভিডিঅ’ সামাজিকমাধ্যমত বিয়পি পৰিছে৷
উৰি ছবিত জনপ্ৰিয় হৈ বিকিৰ ‘হাউ ইজ দ্যা জোছ’ সংলাপ৷ সম্প্ৰতি এক অনুষ্ঠানত বিকিৰ সেই হাউ ইজ দ্যা জোছ আকৌ ক’বলৈ বহুজনে অনুৰোধ কৰিছিল৷ তাতেই এজনে তেওঁকো প্ৰশ্ন কৰিছিল হাউ ইজ দ্যা জোছ? প্ৰশ্নৰ উত্তৰত বিকিয়ে কয়, ‘মই দেখিছো অবিবাহিতসকলৰ জোছ সকলো সময়তে বেছি থাকে৷ আমাৰ দৰে বিবাহিতসকলৰ জোছ বছৰৰ পাছত বছৰ কমি গৈ থাকে৷ কিন্তু চিন্তা নকৰিব৷’ এই মন্তব্যক লৈয়েই বিতৰ্কৰ সূত্ৰপাত৷
নেটনাগৰিকে কৈছে, ২০২৬ চনতো এজন চেলিব্ৰিটিয়ে এনে ৰসিকতা কৰিব পাৰে? কি অদ্ভুত৷ পুৰুষৰ এই ধৰণৰ ৰসিকতাৰ পৰাই বুজা যায় পুৰুষ আচলতে এতিয়াও নাৰীবিদ্বেষীয়েই৷ এই ধৰণৰ মন্তব্যক কেতিয়াও ৰসিকতা হিচাপে ল’ব নোৱাৰি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
