জ্ঞানদ্বীপ হাজৰিকাক শাৰীৰিকভাৱে অপদস্ত কৰা ঘটনাক লৈ আজিও অব্যাহত আছে চৰ্চা৷ বিভিন্নজনে সমালোচনা কৰিছে আৰক্ষী বিভাগটোক৷ শেহতীয়াকৈ অৱসৰপ্ৰাপ্ত IPS ভায়লেট বৰুৱাই কৰিছে বিশেষ মন্তব্য৷ তেওঁ সামাজিক মাধ্যমত লিখিছে, ‘সিংঘম পুলিচ অকল চিনেমাতহে ভাল লাগে। গুণ্ডা ৰূপী এইজন আৰক্ষী পৰিদৰ্শকক কোন কেইটা যোগ্যতাৰ বাবে পুলিচৰ ওপৰমহলে পানবজাৰৰ দৰে এখন গুৰুত্বপূৰ্ণ আৰক্ষী থানা এখনৰ OC পদত বহুৱাইছিল? ওপৰ গধূৰ আৰক্ষী বিভাগে এই বিষয়ে কিবা কবনে? শুনা মতে এইজন আৰক্ষী বিষয়াই আন আন থানাত থাকোতেও নানা ধৰণৰ দুষ্কাৰ্য কৰিও সুকলমে বৰমুৰীয়াৰ আশীষ লাভ কৰিবলৈ সক্ষম হৈছিল।
এতিয়া নিয়ম বহিৰ্ভূত body fitting ইউনিফৰ্ম পিন্ধি সিংঘম style ত গুণ্ডা গিৰি কৰি সমস্ত পুলিচ বিভাগটোলৈ দুৰ্নাম আনিছে। কিন্তু এইবাৰ ৰাইজে উভতি ধৰাৰ পাছত কথা বিষম দেখি ‘তাৎক্ষণিক ভাবে নিলম্বন’ কৰি বিভাগটোৱে দায় সাৰিব খুজিছে। গতিকে এই ক্ষেত্ৰত আপোনা সকলো সমানেই জগৰীয়া। কাৰণটো নিজকে শুধি লওক। তাৰোপৰি অপৰাধ কৰা এইজন বিষয়াৰ ওপৰত মহানগৰ পুলিচৰ ফালৰ পৰা এটা suo moto কেচ লবও পাৰিলে হেঁতেন, ভুক্তভোগীৰ পৰা FIR লবলৈ কিয় ৰখি থাকিব লাগে। আপোনাসবে সময়ে সময়ে সামাজিক মাধ্যমত ৰাইজক নীতি শিক্ষা দিয়াৰ ওপৰিও বিভাগটোৰ ভিতৰত থকা এইচাম উদণ্ড বিষয়াক ৰাইজৰ সুৰক্ষা প্ৰদান কৰিবলৈ শিক্ষা দি যোগ্য কৰি তোলক। ৰাইজৰ ধনেৰে দৰমহা দি ভেৰোণীয়া গুণ্ডা নুপুহিব।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
