এখনৰ পাছত আনখন বাহন ক্ৰয় কৰিছে হাৰ্দিক পাণ্ডিয়াই৷ অৱশ্যে নিজৰ বাবে নহয়৷ উপহাৰ দিবলৈকেই কোটি কোটি টকীয়া বাহন কিনিছে হাৰ্দিকে৷ আই পি এলৰ আৰম্ভণিও এইবাৰ ভাল কৰিছে মুম্বাই ইণ্ডিয়ান্সে৷ দেওবাৰে ঘৰুৱা ফিল্ডত কলকাতা নাইট ৰাইডাৰ্ছক হৰুৱাইছে মুম্বাই ইণ্ডিয়ান্সে৷ দেওবাৰেই আকৌ প্ৰেয়সী মাহিকা শৰ্মাকো ১ কোটি ৭০ লাখ টকা দামৰ বাহন উপহাৰ দিছে হাৰ্দিকে৷
ইয়াৰ মাজতেই দামী বাহন চলাই মুম্বাইৰ ৰাজপথতো দেখা গৈছে হাৰ্দিকক৷ ১২ কোটি টকীয়া ফেৰাৰি লৈ ফুৰিবলৈ ওলাইছে তেওঁ৷ সামাজিকমাধ্যমত ভাইৰেল হোৱা এক ভিডিঅ’ত দেখা গৈছে ৰাস্তাৰ স্পিড ব্ৰেকাৰ পাৰ হওঁতেই ধাক্কা লাগি হঠাতে ৰৈ যায় তেওঁ৷ ৰাস্তাৰ পৰা ফেৰাৰিৰ গ্ৰাউণ্ড ক্লিয়াৰেন্স বা উচ্চকা কম হোৱাত এই সমস্যাত পৰিছিল হাৰ্দিক৷ বাহনখন স্পিড ব্ৰেকাৰ পাৰ কৰিব নোৱাৰিলে হাৰ্দিকে৷
স্পিড ব্ৰেকাৰ পাৰ হোৱাৰ সমস্যা হলেও চালক হাৰ্দিকৰ দক্ষতাৰ প্ৰশংসা কৰিছে বহুজনে৷ স্পিড ব্ৰেকাৰ পাৰ কৰাৰ পাছত হাৰ্দিকৰ মুখতো দেখা গৈছে স্বস্তিৰ হাঁহি৷ ৰাস্তাত যানজঁট হৈ যোৱাৰ আশংকা কৰা আৰক্ষীয়েও স্বস্তি পায়৷ ক্ৰিকেট ভক্তসকলে এই ঘটনাক লৈ নানান মন্তব্য কৰিছে৷ হাৰ্দিকৰ গাড়ী প্ৰীতি ক্ৰমশ বাঢ়িছে৷
বাহনৰ ছবিও পোষ্ট হৈছে সামাজিকমাধ্যমত৷ তাতেই দেখা গৈছে মাৰ্ছিডিড বেঞ্জ ভি ক্লাছ মডেলৰ এখন বাহনৰ কাষত থিয় হৈ আছে হাৰ্দিক আৰু মাহিকা৷ তাতেই লেখা আছে হাৰ্দিকে বাহনখন মাহিকাক উপহাৰ দিছে৷ বাহনৰ দাম ভাৰতীয় মূল্যত ১ কোটি ৭০ লাখ টকা৷
চলিত মাহত টি-২০ বিশ্বকাপ জয় কৰাৰ পাছতেই মাহিকাক প্ৰেমিকাৰ সলনি পত্নী বুলি উল্লেখ কৰিছিল হাৰ্দিকে৷ জনাইছিল যে যিদিনাৰ পৰা মাহিকা তেওঁৰ জীৱনলৈ আহিছে তেওঁৰ সৈতে কেৱল ভালেই হৈছে৷ বিশ্বকাপ জিকি প্ৰকাশ্যে মেচত চুমাও খাইছিল প্ৰেমিকাক৷ দেওবাৰে কলকাতা-মুম্বাইত খেল চাবলৈ ফিল্ডলৈকো গৈছিল মাহিকা৷ সেই প্ৰেমিকাকেই বাহন উপহাৰ দিছে হাৰ্দিকে৷
অৱশ্যে কেৱল প্ৰেমিকাকেই নহয়, বিগত মাহত প্ৰাক্তন পত্নী নাতাশা স্তানকোভিচক ৪ কোটি টকাৰ এখন বাহন উপহাৰ দিছে হাৰ্দিকে৷ প্ৰকৃততে বাহনখন সন্তান অগস্ত্যক উপহাৰ দিছে তেওঁ৷ হাৰ্দিক নাতাশাৰ বিচ্ছেদৰ পাছতেই অগ্যস্ত মাতৃৰ সৈতে থাকে৷ কিন্তু নাবালক অগস্ত্যকতো বাহন এখন উপহাৰ দিব নোৱাৰি সেয়ে বাহনৰ চাবি নাতাশাৰ হাতত তুলি দিয়ে তেওঁ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
