দেওবাৰে ব্ৰিটিছ এয়াৰৱেজৰ ফ্লাইট BA32ত এক মৰ্মান্তিক ঘটনা ঘটিছে৷ হংকঙৰ পৰা লণ্ডনগামী এই বিমানত যাত্ৰা কৰিছিল ৬০ বছৰীয়া এগৰাকী মহিলাই৷ উৰণৰ কিছুসময়ৰ পাছতেই অসুস্থ হৈ পৰে মহিলাগৰাকী, আৰু তাৰ কিছুসময়ৰ পাছতেই মহিলাগৰাকীৰ মৃত্যুও হয়৷ প্ৰতিবেদন অনুসৰি ফক্স নিউজে জনাইছে যে বিমানখন Airbus A350-1000 মডেলৰ আছিল আৰু উৰণৰ প্ৰায় এঘণ্টাৰ পাছতেই সেই মহিলাৰ মৃত্যু হয়৷ ইয়াৰপাছতেই দীৰ্ঘ ১৩.৫ ঘণ্টাৰ যাত্ৰাপথত তেওঁৰ দেহটো বিমানৰ পাছৰ ফালে ৰখা হয়৷
ঘটনাক লৈ যাত্ৰীসকলৰ মাজত আতংক বিয়পি পৰিলেও বিমানখনে নিৰ্ধাৰিত সময়ত লণ্ডনত অৱতৰণ কৰে৷ এই ঘটনাক শোকপ্ৰকাশ কৰিছে সংশ্লিষ্ট কৰ্তৃপক্ষই৷ মহিলাগৰাকীৰ মৃত্যৰ পাছতো পাইলটে বিমানখন চলাই যোৱাৰ সিদ্ধান্ত লয় আৰু মাজপথৰ পৰা উভতি যোৱা বা অন্য স্থানত অৱতৰণ কৰাৰ পৰিবৰ্তে হিথৰো এয়াৰপৰ্টৰ দিশেই উৰান অব্যাহত ৰাখে৷
সাধাৰণতে যাত্ৰীৰ মৃত্যুক চিকিৎসাজনিত জৰুৰী পৰিস্থিতি হিচাপে গণ্য কৰা নহয় বাবেই এই সিদ্ধান্ত লয় পাইলটে৷ প্ৰথমে কেবিন ক্ৰু সকলে মৃতদেহটো বিমানৰ লেৱৰটৰিত ৰখাৰ কথা ভাৱিলেও শেষ পৰ্যন্ত সেই পৰিকল্পনা বাতিল কৰা হয়৷ পাছত দেহটো কাপোৰেৰে মেৰিয়াই বিমানৰ শেষ চীটৰ কাষত ৰাখি থোৱা হয়৷ এই ঘটনাক লৈ শংকিত হৈ পৰিছিল সকলো যাত্ৰীয়েই৷ বহুতেই আকৌ হংকঙলৈ উভতি যোৱাৰ কথাও কৈছিল৷
কিন্তু বিমানৰ ভিতৰত কোনো যাত্ৰীৰ মৃত্যু হলে তাৰ বাবে জৰুৰী অৱতৰণ কৰোৱা নহয়৷ কিন্তু এই ঘটনাত কেবিন ক্ৰুসকলে য’ত মৃতদেহটো থৈছিল সেই স্থান উষ্ণ থকাৰ বাবে কম সময়ৰ ভিতৰতে সমগ্ৰ বিমানৰ ভিতৰত তীব্ৰ দুৰ্গন্ধ বিয়পি কৰে৷ যাৰ বাবে অস্বস্তিত ভূগিছিল সকলো যাত্ৰী বুলিও জানিব পৰা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
