‘দাঢ়ি কাটক ভালপোৱা বচাওক৷’ সম্প্ৰতি এই লেখা থকা প্লেকাৰ্ড হাতত লৈ মিছিলত নামিছে ইন্দোৰৰ এটা মহিলা দল৷ তেওঁলোকৰ স্পষ্ট বক্তব্য, ক্লিন ছেভ কৰা লৰাই তেওঁলোকৰ পছন্দ৷ এই আইডিয়া ব্যক্ত কৰি নানান লেখা লিখি প্লেকাৰ্ড বনাইছে মহিলা দলটোৱে৷ তেওঁলোকৰ স্পষ্ট লেখা, ‘ন’ ক্লিন ছেভ, ন’ লাভ৷’ কোনোবাটো প্লে কাৰ্ডত আকৌ লিখা আছে, ‘হয় দাঢ়ি ৰাখা নহয় প্ৰেয়সী ৰাখা, পছন্দ তোমালোকৰ নিজৰ৷’
https://x.com/gharkekalesh/status/1846886788343750998
মহিলাৰ এই শোভাযাত্ৰাৰ ভিডিঅ’ ব্যাপক ৰূপত ভাইৰেল হৈছে সামাজিক মাধ্যমত৷ সম্প্ৰতি জনপ্ৰিয় মাইক্ৰো ব্লগিং প্লেটফৰ্ম এক্স হেণ্ডেলত ‘ঘৰ কে কলেছ’ নামৰ একাউণ্টৰ পৰা এটা ভিডিঅ’ পোষ্ট কৰা হৈছে৷ সেই ভিডিঅ’ৰ কেপশ্ব্যনত লিখা হৈছে, ‘ক্লিন ছেভৰ বাবে মহিলাই কৰিছে জেং৷’ এই ভিডিঅ’ত দেখা গৈছে যে এদল মহিলা ৰাস্তাত নামি শ্লোগান দিছে৷ তেওঁলোকক নেতৃত্ব দিছে এগৰাকী ৰঙা চাৰ্ট কলা পেণ্ট পৰিহিতা মহিলাই৷ তেওঁ শ্লোগান দিছে বাকীসকলেও সমৰ্থন কৰি গৈছে৷ সকলোৰে মুখত প্ৰতীকী দাঢ়ি৷ হাতত আছে ভিন্ন ভিন্ন শ্লোগান লিখা প্লেকাৰ্ড৷
বহুতেই এই ভিডিঅ’ত হাস্যৰসৰ সন্ধান পাইছে৷ ইতিমধ্যেই বিশেষ ভিডিঅ’টো ৯লাখতকৈয়ো অধিক শ্বেয়াৰো হৈছে৷ কমেণ্ট বক্সতো আহিছে নানান কমেণ্ট৷ বহুতেই এই ভিডিঅ’ক পাব্লিছিটি ষ্টাণ্ট বুলিও কৈছে৷ ইয়াৰ আঁৰৰ উদ্দেশ্য কি সেয়া বৰ্তমানো জানিব পৰা হোৱা নাই৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
