অসম লাইভ২৪ঃ সুখে-দুখে একেলগে ৫টা বছৰ অতিক্ৰম কৰিলে বিৰাট-অনুষ্কাই৷ ৫ বছৰীয়া বিবাহ বাৰ্ষিকীত পত্নী অনুষ্কাক শুভেচ্ছা জনাই বিৰাটে শ্বেয়াৰ কৰিছে ৰোমাণ্টিক ফটো৷ এটা বিজ্ঞাপনৰ শ্বুটিঙৰ পৰা আৰম্ভ হৈছিল বিৰাট অনুষ্কাৰ বন্ধুত্ব৷ তাৰ পাছত ধীৰে ধীৰে প্ৰেম৷ প্ৰেমক নতুন চিনাকি দিবৰ বাবেই সকলোৰে জল্পনা কল্পনাৰ অন্ত পেলাই বিৰাট-অনুষ্কাই ইটালীত বিবাহৰ ৰীতি-নীতি সম্পন্ন কৰে৷ ২০১৭ চনৰ ১১ ডিচেম্বৰ তাৰিখে সাত জীৱনলৈ একেলগে বাট বুলাৰ প্ৰতিশ্ৰুতি দিয়ে এজনে আনজনক৷
নেটিজেনে দুয়োৰে এই বান্ধোনক নাম দিলে বিৰুষ্কা৷ বিবাহবাৰ্ষিকীত ৰোমাণ্টিক মুডৰ এখন ফটো শ্বেয়াৰ কৰিছে বিৰাটে৷ ফটোখনৰ কেপশ্ব্যনত বিৰাটে লিখিছে, ‘একেলগে ৫ বছৰ৷ মই ভাগ্যৱান, তোমাৰ দৰে এগৰাকী জীৱনসংগী পাইছো৷ মোৰ হদয় কেৱল তোমাৰ৷ ভালপাওঁ তোমাক৷’
আনহাতে অনুষ্কাইয়ো বিবাহ বাৰ্ষিকীত বিৰাটক শুভেচ্ছা জনাই সামাজিক মাধ্যমত শ্বেয়াৰ কৰিছে বিশেষ ফটো৷ অনুষ্কাই শ্বেয়াৰ কৰা ফটোখন কিছু পৃথক৷ ফটোখন বিৰাট-অনুষ্কাৰ কন্যাৰ জন্মৰ সময়ৰ৷ হাস্পতালৰ ভৰ্তি থকাৰ সময়তেই তোলা ফটোখন শ্বেয়াৰ কৰিছে অনুষ্কাই৷ কেপশ্ব্যনত অনুষ্কাই লিখিছে, ‘some random fellow’৷ আনহাতে আনখন ফটো হৈছে এটা কফি মগৰ৷ অনুষ্কাই শ্বেয়াৰ কৰা ছবিকেইখন ৰোমাণ্টিক মুডৰ নহ’লেও বিশেষ সাৰমৰ্ম আছে৷ অনুষ্কাই শেহতীয়াকৈ শ্বেয়াৰ কৰা পষ্টৰ কেপশ্ব্যনত লিখিছে ‘চিয়েৰ্ছ টু আছ, মাই লাভ টুমৰো এণ্ড ফৰএভাৰ৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
