অসম লাইভ২৪ঃ জিম্বাব’ৱেৰ বিৰুদ্ধে আজিৰ খেলত জয়লাভ কৰিছে ভাৰতে। ৭১ ৰানত জয়ী হৈছে ভাৰত। জয়ী হ’লেও ভাৰতবাসীক হতাশ কৰিলে বিৰাট কোহলীৰ বেটিঙে! জিম্বাব’ৱেৰ বিৰুদ্ধে টছত জিকি ভাৰতে প্ৰথমে বেটিং কৰাৰ সিদ্ধান্ত লয়। বেটিঙৰ সময়তে বিৰাট কোহলিয়ে কৰা এটা আচৰণে চিন্তিত কৰি তোলে ভাৰতীয় ক্ৰিকেট অনুৰাগীক। হঠাতেই দুই ৰান লোৱাৰ পাছতেই কোহলিয়ে বুকুত হাত দি কিছু সময় ৰৈ যায়। কি হৈছিল বিৰাটৰ? কিয় এনেদৰে ইংগিত দিছিল বিৰাটে এই লৈ চিন্তিত হৈ পৰিছে বিৰাট অনুৰাগী।
কি এনেদৰে ৰৈ গৈছিল বিৰাট?
বিৰাটক ক্ৰিকেটৰ জগতত আটাইতকৈ ফিট খেলুৱৈ বুলি কোৱা হয়। শৰীৰ চৰ্চাৰ বাবে বিৰাটো যিমান সময় খৰচ কৰে এইদৰে কোনো খেলুৱৈয়ে শৰীৰ চৰ্চা নকৰে। বহুতেই দাবী কৰে শৰীৰ সচেতন বাবেই বিৰাটে খেলটো ভাল পাৰফৰ্মেন্স দেখুৱাব পাৰে। কিন্তু বিৰাটৰ হঠাতেই বুকুত হাত দি কিয় ৰৈ গ’ল? কে এল ৰাহুল আৰু বিৰাটে বেটিং কৰি থাকোতেই এই ঘটনা। প্ৰথম অভাৰতেই বাউণ্ডেৰী কোবাই কোহলিয়ে খেল আৰম্ভ কৰিছিলহে। বল বাউণ্ডেৰী পোৱালৈ দুই ৰান লৈছিল বিৰাটে। তাৰ পিছৰ বলটোতো পুনৰ দুই ৰান লয় বিৰাটে। কিন্তু দ্বিতীয়বাৰ ৰান লওতে ৰৈ যায় বিৰাট। বুকুত হাত থৈ উশাহ লোৱাত কষ্ট হোৱাৰ ইংগিত দিয়ে বিৰাটে। তাৰপাছত আৰু বেছি সময় খেলপথাৰত নাথাকিল বিৰাট। মেলবৰ্ণত বতৰ অত্যাধিক গৰমো নাছিল। তেনেক্ষেত্ৰত গৰমৰ বাবে শৰীৰে কষ্ট পোৱাৰো কথা আহি নপৰে।
কমেণ্টেটৰে কি কৈছিল?
ঘটনাটো খেল চলি থাকোতে বহুতেই হয়তো গুৰুত্ব দিয়া নাছিল। কমেণ্টেটৰ সুনীল গাভাস্কাৰে সেই সময়ত কৈ আছিল, ‘ কোহলীয়ে খুব বেগাই দৌৰে। ফিল্ডিঙত থকাসকলে তৰ্কিবলৈ নৌপাওতেই অতিৰিক্ত ৰান লয় কোহলীয়ে। দ্বিতীয় ৰান লোৱা সহজ নাছিল যদিও লৈ পেলালে কোহলীয়ে। নিজকে অকণ সময় দিবলৈকে এই ইংগিত দিছে কোহলীয়ে।’
উল্লেখ্য যে কোহলীয় গুৰুতৰভাৱে অসুস্থ হোৱা নাছিল সেয়া তেওঁৰ চাল চলনেই ফুটাই তুলিছিল। বেটিঙো ভালধৰণেই কৰিছিল বিৰাটে। হঠাতে কিছু খেলিমেলি দেখা গলেও বৰ্তমান সকলো ঠিকেই আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
