বিকৰ্তিক ছবি দ্য কাশ্মীৰ ফাইলছ নিৰ্মাণ কৰি দেশজুৰি সাম্প্ৰদায়িক বিষবাষ্প বিয়পোৱাৰ অভিযোগেৰে অভিযুক্ত ছবি পৰিচালক বিবেক অগ্নিহোত্ৰীয়ে এইবাৰ নিৰ্মাণ কৰিব দ্য দিল্লী ফাইলছ৷
ইতিমধ্যে বিতৰ্কিত পৰিচালক বিবেক অগ্নিহোত্ৰীয়ে নিজৰ টুইটাৰ হেণ্ডলত এই কথা প্ৰকাশ কৰিছে৷ হিন্দু প্ৰধান দেশ ভাৰতৰ হিন্দুত্ববাদী লোকসকলে দ্য কাশ্মীৰ ফাইলছ ছবিখনৰ ভূয়সী প্ৰশংসা কৰাই নহয়, ছবিগৃহত গৈ ছবিখন দৰ্শন কৰি ছুপাৰহিট কৰোৱাইছে৷
দশকৰ এই বিপুল সমাদৰত ছবিখনৰ পৰিচালক বিবেক অগ্নিহোত্ৰীয়ে অভিভূত হৈ তেওঁৰ ছবিখনক আদৰ কৰা সকলো দশকে ধন্যবাদৰ লগতে কৃতজ্ঞতা জ্ঞাপন কৰিছে৷
লগতে পঢ়ক অৱশেষত সম্পন্ন হ’ল ৰণবীৰ-আলিয়াৰ বহু প্ৰত্যাশিত বিবাহ
‘‘মই সেইসকল লোকক ধন্যবাদ জ্ঞাপন কৰিছো, যিসকলে দ্য কাশ্মীৰ ফাইলছক আদৰি ল’লে৷ মই যোৱা ৪ বছৰে অতি সাধুতাৰে অসীম কষ্ট কৰিছিলো৷’’ টুইটত বিবেক অগ্নিহোত্ৰীয়ে কয়৷
পৰিচালক বিবেক অগ্নিহোত্ৰীয়ে লগতে কয় যে কাশ্মীৰৰ হিন্দুসকলৰ সৈতে হোৱা অন্যায় অত্যাচাৰ বিষয়ে সকলোকে অৱগত কৰাতো অতি জৰুৰী আছিল৷
ইয়াৰ পিছতে বিবেক অগ্নিহোত্ৰীয়ে নিজৰ নতুন ছবিৰ নামো ঘোষণা কৰিছে৷ তেওঁৰ নতুন ছবিখনৰ নাম দ্য দিল্লী ফাইলছ বুলিও প্ৰকাশ কৰিছে৷ অৱশ্যে ছবিখন কাহিনীৰ বিষয়েও এতিয়াও কোনো কথা প্ৰকাশ কৰা নাই পৰিচালক অগ্নিহোত্ৰীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
