সন্তান জন্ম দিয়ক আৰু টকা লাভ কৰক, পুটিন চৰকাৰৰ নতুন আইন
ভ্লাডিমিৰ পুটিন শাসনাধীন ৰাছিয়াত আৰম্ভ হৈছ নতুন নিয়ম। নিশা ১০ বজাৰ পৰা পুৱা ২ বজালৈ ইণ্টাৰনেট আৰু বিদ্যুতৰ সংযোগ বিচ্ছিন্ন কৰাৰ কথা চিন্তা কৰিছে দেশ খনৰ প্ৰশাসনে। লগতে সাধাৰণ জনতালৈ দিছে অফাৰ, অধিক সন্তান জন্ম দিয়ক, টকা লাভ কৰক।
পাছে কিয় পুটিন চৰকাৰে ‘যৌন মন্ত্ৰালয়’ গঠনৰ বিষয়ে আলোচনা কৰিছে? এই নিশা ইণ্টাৰনেট আৰু বিদ্যুতৰ সংযোগ বিচ্ছিন্ন কৰাৰ মূলতে দম্পতীয়ে যাতে একেলগে সময় কটাব পাৰে। যৌন সম্পৰ্ক স্থাপন কৰিব পাৰে আৰু অধিক সন্তান জন্ম দিব পাৰে।
এই নিময় অনাৰ কাৰণ হৈছে, ৰাছিয়াত জন্মৰ হাৰ হ্ৰাস। যাৰ বাবে এতিয়া চিন্তাত পৰিছে পুটিন চৰকাৰ। সেয়ে জন্মৰ হাৰ বৃদ্ধিৰ বাবে ন ন চিন্তা তথা নিয়ম অনাৰ বাবে যো-জা চলাইছে।
ৰাষ্ট্ৰপতি ভ্লাডিমিৰ পুটিনে জনসংখ্যা হ্ৰাসৰ সংশোধন কৰিবলৈ বিষয়াসকলক আহ্বান জনাইছিল, তাৰ পিছতে এতিয়া বিষয়াসকলে ইয়াৰ ওপৰত কাম কৰি আছে। আচলতে ৰাছিয়াত ইতিমধ্যে জন্মৰ হাৰ কম আছিল যদিও প্ৰায় তিনি বছৰ ধৰি ইউক্ৰেইনৰ সৈতে চলি থকা যুদ্ধৰ বাবে পৰিস্থিতি আৰু বেয়া হৈ পৰিছে।
সেয়ে সমস্যাৰ সমাধান হিচাপে নিশা ১০ বজাৰ পিছত পুৱা ২ বজালৈকে অঞ্চলসমূহত ইণ্টাৰনেট আৰু বিদ্যুৎ বন্ধ কৰিব লাগে বুলি পৰামৰ্শ দিয়া হৈছে। ইয়াৰ দ্বাৰা জন্মৰ হাৰ বৃদ্ধিত সহায়ক হ’ব।
লগতে ইয়াকো কোৱা হৈছে যে, যদি মহিলাই মাতৃ হবলৈ ওলাইছে, তেন্তে সেই মহিলাকো উপহাৰেৰে সা-সন্মান কৰা উচিত। ইয়াৰ বাবে মহিলাসকলক আৰ্থিক সহায় আগবঢ়োৱা হব। পেঞ্চনৰ ক্ষেত্ৰতো সহায়ক হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
