হাৰ্ট এটেকৰ এমাহ পূৰ্বে শৰীৰত ফুটি উঠে এই ৩লক্ষণ, অৱহেলা কৰিলেই পৰিণতি মৰ্মান্তিক হয়, গৱেষণাই কি কৈছে?

হাৰ্ট এটেক এটা মেডিকেল ইমাৰ্জেন্সি৷ হাৰ্ট এটেক মানেই হঠাৎ হৃদপিণ্ডত তেজৰ সৰবৰাহ বন্ধ হৈ যোৱা৷ প্ৰতিবছৰে মাৰ্কিন যুক্তৰাষ্ট্ৰত প্ৰায় ৮০৫,০০০ মানুহ হাৰ্ট এটেকত আক্ৰান্ত হয়৷ চিকিৎসকৰ পৰিভাষাত ইয়াক কোৱা হয় মায়োকাৰ্ডিয়েল ইনফাৰ্কছন৷ অৰ্থাৎ প্ৰতি ৪০ ছেকেণ্ডত এজন ব্যক্তি হাৰ্ট এটেকত আক্ৰান্ত হয়৷

হাৰ্ট এটেকৰ এমাহ পূৰ্বৰে পৰা শৰীৰত ৩টা সংকেতে দেখা দিয়ে৷ ইয়াৰ মাজত প্ৰথম সংকেত হৈছে মাৰাত্মক ক্লান্তি৷ পৰীক্ষাত অংশগ্ৰহণকাৰীসকলৰ মাজত ৭১শতাংশই হাৰ্ট এটেকৰ এমাহ পূৰ্বৰে পৰা প্ৰচণ্ড ক্লান্তিত ভূগিছিল৷ দ্বিতীয় সংকেত হৈছে টোপনি নোহোৱা৷ পৰীক্ষাত অংশগ্ৰহণকাৰীসকলৰ ৪৭.৮শতাংশই হাৰ্ট এটেকৰ এমাহ আগৰে পৰা নিদ্ৰাহীনতাত ভূগিছিল৷ তৃতীয় সংকেত হৈছে নিশ্বাসত কষ্ট৷ পৰীক্ষাত অংশগ্ৰহণকাৰীসকলৰ মাজত ৪২.১ শতাংশই হাৰ্ট এটেকৰ এমাহ পূৰ্বৰে পৰা শ্বাসকষ্টত ভূগিছিল৷