অক্টোবৰ ২০২৪ৰ প্ৰথম সপ্তাহত থাকিব বুধাদিত্য ৰাজযোগ৷ বৰ্তমান বুধ আৰু সূৰ্য উভয়ে কন্যা ৰাশিত গোচৰ কৰিছে৷ এই দুই গ্ৰহৰ যুঁটিত গঠিত হৈছে বুধাদিত্য ৰাজযোগ, যি অক্টোবৰ মাহৰ প্ৰথম সপ্তাহত থাকিব৷ বৈদিক জ্যোতিষত বুধাদিত্য হৈছে অত্যন্ত শুভ যোগ, যি জাতকৰ জীৱনত সুখ, সমৃদ্ধি আৰু জ্ঞানৰ প্ৰসাৰ ঘটায়৷ জ্যোতিষ গণনা অনুসৰি দেখা গৈছে যে অক্টোবৰ মাহৰ প্ৰথম সপ্তাহত বুধাদিত ৰাজযোগৰ প্ৰভাৱত পাঁচ ৰাশিৰ জাতকৰ বিশেষ সৌভাগ্য লাভ হ’ব৷
এই সময়ত কেৰিয়াৰত উন্নতি কৰিব পাৰিব৷ ব্যক্তিগত জীৱনত বৰ্তি থাকিব সুখ সমৃদ্ধি৷ জানি থওক ৩০ ছেপ্টেম্বৰৰ পৰা ৬ অক্টোবৰৰ মাজত এই সপ্তাহত সৌভাগ্যৰ দুৱাৰ খুলিব কেইটামান ৰাশিৰ জাতকৰ৷
কৰ্কট ৰাশি
অক্টোবৰৰ প্ৰথম সপ্তাহত কৰ্কট ৰাশিৰ জাতকৰ জীৱনত সুখ, সমৃদ্ধি আৰু সাফল্য উপচি পৰিব৷ আগন্তুক সপ্তাহত নিজৰ কেৰিয়াৰত উন্নতি কৰাৰ বৃহৎ সুযোগ পাব আপুনি৷ যিসকলে বহুদিন ধৰি চাকৰিৰ বাবে চেষ্টা কৰি আছে তেওঁলোকে এই সময়ত চাকৰি পাব পাৰে৷ নিজৰ ব্যৱসায় সম্প্ৰসাৰণ কৰাৰ সুযোগ পাব কৰ্কট ৰাশিৰ জাতকে৷ কোনো বন্ধু বা কোনো প্ৰভাৱশালী ব্যক্তিৰ সহায় পাব৷
সিংহ ৰাশি
সপ্তাহৰ আৰম্ভণিতে কোনো চিনিয়ৰ ব্যক্তিৰ সৈতে কামৰ বাবে প্ৰশংসা পাব পাৰে৷ ৰাজনীতিৰ সৈতে যিসকল যুক্ত তেওঁলোকে উচ্চপদ আৰু দায়িত্ব লাভ কৰিব পাৰে৷ নেতৃত্ব দিয়াৰ ক্ষমতা আপোনাৰ মাজত বৃদ্ধি পাব৷ এই সময়ত এনাৰ্জি আৰু আত্মবিশ্বাসেৰে তুংগত থাকিব সিংহ ৰাশিৰ জাতক৷ পাবলগীয়া ধন লাভ কৰিব৷ কোনো মাটি বাচি ক্ৰয় বিক্ৰয়ৰ কাম কৰিলে লাভৱান হ’ব৷
তুলা ৰাশি
অক্টোবৰৰ প্ৰথম সপ্তাহ অত্যন্ত লাভজনক হ’ব তুলা ৰাশিৰ জাতকৰ৷ বহু দিন ধৰি পাবলগীয়া ধন নোপোৱাকৈ থাকিলে এই সময়তে লাভ কৰিব৷ প্ৰমোছন বা ট্ৰেন্সফাৰৰ কামো এই সময়তে সম্পন্ন হ’ব৷ কৰ্মক্ষেত্ৰত ছিনিয়ৰ আৰু জুনিয়ৰ সকলোৰে সহায় পাব৷ ক্ষমতাশালী কোনো ব্যক্তিক নিজৰ কাষত পাব তুলা ৰাশিৰ জাতকে৷ যিসকলে প্ৰতিযোগীতামূলক পৰীক্ষাৰ প্ৰস্তুতি লৈছে তেওঁলোকে সাফল্য পাব৷
ধনু ৰাশি
সপ্তাহৰ আৰম্ভণিতে কাৰ্যালায়ৰ দায়িত্ব পাব ধনু ৰাশিৰ জাতকে৷ আপোনাৰ ওপৰত কামৰ চাপ বাঢ়িব৷ এই কাম আপুনি ভালধৰণে সম্পন্ন কৰিব পাৰিব৷ সপ্তাহৰ দ্বিতীয় ভাগত আপোনাৰ মনত ধৰ্মীয় আৰু সামাজিক কামৰ প্ৰতি আগ্ৰহ বাঢ়িব৷ এই সময়ত কোনো ডাঙৰ সিদ্ধান্ত লোৱাৰ ক্ষেত্ৰত পৰিয়ালৰ সদস্যসকলক কাষত পাব৷
মীন ৰাশি
আগন্তুক সপ্তাহৰ আৰম্ভণিতে কোনো সুখবৰ পাব পাৰে মীন ৰাশিৰ জাতকে৷ পৰিয়ালত সুখৰ পৰিবেশ বৰ্তি থাকিব৷ এই সময়ত আপুনি নিজৰ বাকি থকা কামসমূহ সম্পূৰ্ণ কৰিব পাৰিব৷ পৰিয়ালৰ সদস্যসকলৰ মাজত পাৰস্পৰিক বুজাপৰা বাঢ়িব৷ ইয়াৰ ফলত সকলো সমস্যাৰেই সমাধান হ’ব৷ কৰ্মক্ষেত্ৰত নিজৰ পছন্দমতে স্থান সলনি কৰিব পাৰিব৷ কাৰ্যালয়ত আপোনাৰ সন্মান আৰু প্ৰতিপত্তি বাঢ়িব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
