অক্টোবৰ ২০২৪ৰ প্ৰথম সপ্তাহতেই থাকিব বুধাদিত্য ৰাজযোগ৷ বৰ্তমান বুধ আৰু সূৰ্য উভয়ে কন্যা ৰাশিত গোচৰ কৰিছে৷ এই দুই গ্ৰহৰ যুঁটিত গঠিত হৈছে বুধাদিত্য ৰাজযোগ৷ যি অক্টোবৰ মাহৰ প্ৰথম সপ্তাহত বৰ্তি থাকিব৷ বৈদিক জ্যোতিষত বুধাদিত্য হৈছে অত্যন্ত শুভ যোগ, যাৰ ফলত জাতকৰ জীৱনত সুখ, সমৃদ্ধি আৰু জ্ঞানৰ প্ৰসাৰ ঘটিব৷ জ্যোতিষ গণনা অনুসৰি দেখা গৈছে যে অক্টোবৰ মাহৰ প্ৰথম সপ্তাহত বুধাদিত্য ৰাজযোগৰ প্ৰভাৱত পাঁচ ৰাশিৰ জাতকে বিশেষ সৌভাগ্য লাভ কৰিব৷ এই সময়ত এওঁলোকে কেৰিয়াৰত উন্নতি কৰিব পাৰিব৷ ব্যক্তিগত জীৱনত সুখ বৰ্তি থাকিব৷ জানি থওক ৩০ ছেপ্টেম্বৰৰ পৰা ৬ অক্টোবৰৰ মাজত এই সপ্তাহত সৌভাগ্যৰ দুৱাৰ খুলিব কেইটামান ৰাশিৰ জাতকৰ৷
কৰ্কট ৰাশি
অক্টোবৰৰ প্ৰথম সপ্তাহত কৰ্কট ৰাশিৰ জাতকৰ জীৱনত সুখ, সমৃদ্ধি আৰু সাফল্য উপচি পৰিব৷ আগন্তুক সপ্তাহত নিজৰ কেৰিয়াৰত উন্নতি কৰাৰ বৃহৎ সুযোগ পাব আপুনি৷ যাৰ ফলত চাকৰিৰ বাবে চেষ্টা কৰি থকাসকলে এই সময়ত চাকৰি পাব৷ নিজৰ ব্যৱসায় সম্প্ৰসাৰণ কৰাৰ সুযোগ পাব পাৰে কৰ্কট ৰাশিৰ জাতকে৷ কোনো বন্ধু বা কোনো প্ৰভাৱশালী ব্যক্তিৰ সহায় লাভ কৰিব৷
সিংহ ৰাশি
সপ্তাহৰ আৰম্ভণিতে কোনো ছিনিয়ৰ ব্যক্তিৰ পৰা কামৰ বাবে প্ৰশংসা পাব পাৰে সিংহ ৰাশিৰ জাতকে৷ ৰাজনীতিৰ সৈতে যিসকল যুক্ত তেওঁলোকে উচ্চপদ আৰু দায়িত্ব লাভ কৰিব পাৰে৷ নেতৃত্ব দিয়াৰ ক্ষমতা আপোনাৰ মাজত বৃদ্ধি পাব৷ এই সময়ত এনাৰ্জি আৰু আত্মবিশ্বাসেৰে তুংগত থাকিব সিংহ ৰাশিৰ জাতক৷ বজাৰত ফচি থকা ধন উভতাই পাব৷ এই সময়ত আপুনি মাটি বাৰী ক্ৰয় কৰিব পাৰে৷
তুলা ৰাশি
অক্টোবৰৰ প্ৰথম সপ্তাহ অত্যন্ত লাভজনক হ’ব তুলা ৰাশিৰ জাতকৰ৷ বহু দিন ধৰি পাবলগীয়া প্ৰমোছন এই সময়ত পাব৷ কৰ্মক্ষেত্ৰত চিনিয়ৰ আৰু জুনিয়ৰ সকলোৰে সহায় পাব৷ ক্ষমতাশালী কোনো ব্যক্তিক নিজৰ কাষত পাব তুলা ৰাশিৰ জাতকে৷ যিসকলো প্ৰতিযোগীতামূলক পৰীক্ষাৰ প্ৰস্তুতি লৈছে তেওঁলোকে সাফল্য পাব৷
ধনু ৰাশি
সপ্তাহৰ আৰম্ভণিতে কাৰ্যালয়ত নতুন কামৰ দায়িত্ব পাব ধনু ৰাশিৰ জাতকে৷ এই কাৰণতেই আপোনাৰ ওপৰত কামৰ চাপ কিছু বাঢ়িব৷ সকলো কামেই আপুনি ভালধৰণে সম্পন্ন কৰিব পাৰিব৷ সপ্তাহৰ দ্বিতীয় ভাগত আপোনাৰ মনত ধৰ্মীয় আৰু সামাজিক কামৰ প্ৰতি আগ্ৰহ বাঢ়িব৷ এই সময়ত কোনো বৃহৎ সিদ্ধান্ত লোৱাৰ ক্ষেত্ৰত পৰিয়ালৰ সদস্যসকলক কাষত পাব৷ পাৰ্টনাৰৰ সৈতে কোৱালিটি টাইম কটাব৷
মীন ৰাশি
আগন্তুক সপ্তাহৰ আৰম্ভণিতে কোনো সুখবৰ পাব পাৰে মীন ৰাশিৰ জাতকে৷ পৰিয়ালত সুখৰ পৰিবেশ বৰ্তি থাকিব৷ এই সময়ত আপুনি নিজৰ বাকী থকা কাম সম্পূৰ্ণ কৰিব পাৰিব৷ পৰিয়ালৰ সদস্যসকলৰ মাজত পাৰস্পৰিক বুজাপৰা বাঢ়িব৷ ইয়াৰ ফলত সকলো সমস্যাৰ সমাধান হ’ব৷ কৰ্মক্ষেত্ৰত নিজৰ পছন্দমতে স্থান সলনি কৰিব পাৰে৷ কাৰ্যালয়ত আপোনাৰ সন্মান আৰু প্ৰতিপত্তি বাঢ়িব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
