মহিলাসকলৰ মাজত খুব কমন এক সমস্যা হৈছে এনিমিয়া বা ৰক্তহীনতা৷ দেহত আয়ৰণৰ অভাৱে দেখা দিলে এই ধৰণৰ সমস্যাই দেখা দিয়ে৷ দেহত আয়ৰণৰ অভাৱে দেখা দিয়াৰ প্ৰধান কাৰণ হৈছে সঠিক খোৱা বোৱাৰ অভাৱ৷ কিন্তু দেহত আয়ৰনৰ ঘাটি তৈয়াৰ হোৱাৰ কথা বহুতেই ধৰিব নোৱাৰে৷ কিছু উপসৰ্গ আছে যিসমূহ উপসৰ্গই দেখা দিলে লগে লগেই সতৰ্ক হওক৷ কি কি লক্ষণে দেখা দিলে সাৱধান হ’ব?
১. পৰ্যাপ্ত টোপনিৰ পাছতো যদি শৰীৰৰ পৰা ক্লান্তি দূৰ নহয়, বুজিব দেহত আয়ৰণৰ ঘাটি হৈছে৷
২. দেহত আয়ৰণৰ ঘাটি তৈয়াৰ হ’লে মস্তিষ্কসহ শৰীৰৰ নানান অংশ অক্সিজেনৰ ঘাটি তৈয়াৰ হৈছে৷ তেতিয়াই মূৰ ঘূৰণি, মূৰৰ বিষ আদি নানান উপসৰ্গই দেখা দিয়ে৷
৩. দেহৰ প্ৰতিটো অংশত পৰ্যাপ্ত পৰিমাণে অক্সিজেন নাপালে বুকুত বিষ হয়৷ নিঃশ্বাস পেলোৱাত সমস্যা হয়৷ উচ্চ ৰক্তচাপ বা হাৰ্টৰ সমস্যা নাথাকিলেও ঘনে ঘনে বুকুৰ বিষ বা বুকুত চাপ পৰা যেন অনুভৱ হ’ব৷
৪. দেহত আয়ৰণৰ ঘাটি হ’লে ছাল শুকান হৈ পৰে৷ ছাল একদম বিবৰ্ণ দেখা যায়৷ ইয়াৰোপৰি ছালৰ নানান সমস্যাই দেখা দিয়ে৷
৫. নখ অলপমান বাঢ়িলেই ভাঙি যায়? আয়ৰণৰ অভাৱ হ’লেই এই ঘটনা ঘটিব পাৰে৷ দেহত আয়ৰণৰ পৰিমাণ কমি গ’লে নখ দুৰ্বল হৈ ভাঙি যায়৷
দেহত আয়ৰণৰ ঘাটি পূৰণ কৰিবলৈ ছাপ্লিমেণ্ট খোৱাটোৱেই একমাত্ৰ উপায় নহয়৷ ডায়েট লৈ সচেতন হওক৷ মাংসৰ ওপৰিও পালেং শাক, বিভিন্ন ধৰণৰ দালি, ৰেড মিট, কোমোৰাৰ বীজ, কিনোৱা, ব্ৰকলি, মাছ ইত্যাদি খালে আপোনাৰ দেহত আয়ৰণৰ অভাৱ দূৰ হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
