ঠাণ্ডাৰ দিনত পেট ফুলা, বদহজম আদি বহুতৰেই প্ৰধান সমস্যা হৈ পৰিছে৷ আনকি দাইল খালেও বহুতৰে পেট ফোলা, বদহজমৰ সমস্যাই দেখা দিয়ে৷ এই সকলোবোৰৰ বাবে বহুতেই দাইলৰ ওপৰত সিজাওতে উঠা ফেনক দায়ী বুলি কয়৷ দাইল ৰন্ধাৰ সময়ত উঠা ফেনক বহুতে বিষাক্ত বুলিও দাবী কৰে৷ সেয়া সঁচা নে?
চিকিৎসকৰ মতে এই ফেন বিষাক্ত বা ক্ষতিকাৰক নহয়৷ ইয়াত থাকে প্ৰটিন, ছেপোনিন নামৰ এক প্ৰাকৃতিক যৌগ৷ এই যৌগ উদ্ভিদত যেনে চয়াবিন, উৰহি আদিত থাকে৷ কিছু সামুদ্ৰিক প্ৰাণী, চাহতো ইয়াক পোৱা যায়৷ সেয়ে এনে দ্ৰব্য জলীয় দ্ৰৱণত দিয়াৰ লগে লগেই ফেন উঠে৷ ছেপোনিনৰ বিভিন্ন স্বাস্থ্য উপকাৰিতা আছে৷ যেনে কলষ্টেৰল, ইউৰিক এছিড কমোৱা৷ ঔষধ আৰু প্ৰসাধনী শিল্পতো এই যৌগ ব্যৱহৃত হয়৷ ছেপোনিন বেছি মাত্ৰাত খালে দাইল তিতা তিতাও লাগিব পাৰে৷ ইৰিটেবল বাওল চিনড্ৰোমৰ ৰোগীসকলৰ ক্ষেত্ৰত এই ফেনে পেটৰ সমস্যাৰ সৃষ্টি কৰিব পাৰে৷ যিসকলৰ দাইল খালে পেট ফোলাৰ দৰে ভাৱ হয় তেওঁলোকৰ ফেনৰ কাৰণে এই সমস্যা নহয়৷ দাইলত থকা জটিল শৰ্কৰাৰ বাবেহে এই লক্ষণে দেখা দিয়ে৷ চিকিৎসাবিজ্ঞানৰ ভাষাত এইসমূহক কোৱা হয় ফডমেপ৷
দাইল কেনেকৈ খোৱাটো ভাল?
যদি দাইল খালেই পেট ফোলাৰ দৰে অনুভৱ হয় তেন্তে এই জটিল শৰ্কৰাসূহ ভাঙি দিলে দাইল হজমত সমস্যা নহয়৷ সেয়ে এই সমস্যা থকা ব্যক্তিয়ে প্ৰেছাৰ কুকাৰত দাইল ৰন্ধা উচিত৷ কাৰণ এই পাত্ৰত উচ্চ তাপমাত্ৰা থকাত ফেডমেপ ভালকৈ ভাঙি যাব পাৰে৷ ছেপোনিনো ভাঙি যায় প্ৰেচাৰ কুকাৰক৷ পেট ফুলাৰ পৰা বাচিৰলৈ দাইলৰ ফেন পেলাই দিয়াৰ প্ৰয়োজন নাই৷ প্ৰেচাৰ কুকাৰত দাইল সিজোৱাৰ পূৰ্বে দাইলখিনি কিছু সময় পানীত তিয়াই ৰাখিব৷ তেতিয়া দাইল হজম হোৱাত সমস্যা নহয় আপোনাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
