কলিযুগৰ চাৰে পাঁচ হাজাৰ বছৰ অতিবাহিত হৈছে৷ যি হাৰত অপৰাধ আৰু অধৰ্ম পৃথিৱী জুৰি বৃদ্ধি পাইছে তাতে আকৌ কলিযুগৰ মাজসময়৷ ৫০০ বছৰ পূৰ্বে ভৱিষ্য মালিকা গ্ৰন্থ ৰচানা কৰিছে স্বামী অচ্যুতানন্দই৷ তাতেই কলিযুগক তিনিটা ভাগ ভাগ কৰা হৈছে৷ কলিযুগৰ শেষত কি ঘটিব সেই বিষয়ে ভৱিষ্যদ্বাণী কৰা হৈছে৷
ভৱিষ্য মালিকাত কোৱা হৈছে যে হঠাৎ এদিন পৃথিৱী শেষ হৈ নাযায়৷ বৰং সম্পূৰ্ণ এই প্ৰক্ৰিয়া তিনিটা ভাগত ঘটিব৷ প্ৰথমে কলিযুগ শেষ হ’ব৷ তাৰপাছতেই মহাবিনাশ হ’ব আৰু শেষ নতুন যুগ আৰম্ভ হ’ব৷ জানি থওক ভৱিষ্য মালিকা অনুসৰি কলিযুগৰ শেষত কি ঘটিব?
পৃথিৱীৰ তাপমাত্ৰা বাঢ়িব
ভৱিষ্য মালিকাত কোৱা হৈছে যে কলিযুগৰ যেতিয়া অৱসান হ’ব,তেতিয়া পৃথিৱীৰ তাপমাত্ৰা অত্যধিক পৰিমাণে বৃদ্ধি পাব৷ কেৱল সেয়াই নহয়, গ্ৰীষ্মকালত গৰম যেনেকৈ বাঢ়িব তেনেকৈ শীতকালত অতিপাত ঠাণ্ডা হ’ব৷ ইয়াৰোপৰি একেলগে বৰ্ষাকালত চাৰিওফালে বান হ’ব৷ অৰ্থাৎ যি ঋতুয়েই আহক, সেয়াই চূড়ান্ত ৰূপ ল’ব৷
গৃহযুদ্ধ বাঢ়িব
কলিযুগৰ শেষত আৰম্ভ হ’ব মহাবিনাশ৷ এই সমত বিশ্বৰ বিভিন্ন দেশত গৃহযুদ্ধ হ’ব৷ অন্য গুৰুত্বপূৰ্ণ ইছ্যু পাহৰি নিজে নিজে যুদ্ধত মত্ত হৈ উঠিব৷ এখন দেশত ধৰ্মযুদ্ধ কৰিব আৰু বাকী অধৰ্মৰ যুদ্ধ হ’ব৷
কল্কি অৱতাৰৰ আৱিৰ্ভাৱ
কলিযুগৰ শেষত আগমন হ’ব কল্কি অৱতাৰৰ৷ বিষ্ণুৰ দশম অৱতাৰ কল্কিৰ হাততেই নতুন যুগৰ সূচনা হ’ব৷ অধৰ্মৰ অৱসান কৰি ধৰ্মৰ পুনঃপ্ৰতিষ্ঠা কৰিব৷
প্ৰাচীন চহৰ জাগি উঠা
ভৱিষ্য মালিকা অনুসৰি কলিযুগৰ শেষত সমুদ্ৰৰ তলত হেৰাই যোৱা প্ৰাচীন চহৰ জাগি উঠিব৷ যেনেকৈ শ্ৰীকৃষ্ণৰ দ্বাৰকা চহৰ সমুদ্ৰৰ তলত আছে৷ কলিযুগৰ শেষত বান, ছুনামী, ভূমিকম্পৰ দৰে প্ৰাকৃতিক বিপৰ্যয় ঘটিব, যাৰ প্ৰভাৱত কেইবাশ বছৰ পূৰ্বে হেৰাই যোৱা সেই চহৰ সমুদ্ৰৰ বুকু ফালি আকৌ জাগি উঠিব৷
মহাভাৰতৰ চৰিত্ৰসমূহৰ আকৌ আৱিৰ্ভাৱ
ভৱিষ্যদ্বাণী অনুসৰি কলিযুগৰ শেষত মহাভাৰতৰ কেইবাটাও চৰিত্ৰ আকৌ উভতি আহিব৷ কল্কি অৱতাৰৰ সাহায্য কৰিবলৈ পুনৰাগমন হ’ব বলৰামৰ৷
তীৰ্থক্ষেত্ৰ হেৰাই যোৱা
কলিযুগৰ শেষত হেৰাই যাব পাৰে কেইবাখনো উল্লেখযোগ্য তীৰ্থস্থান৷ প্ৰাকৃতিক বিপৰ্যয়ৰ জোৰতেই এই সকলো তীৰ্থক্ষেত্ৰ হেৰাই যাব পাৰে৷ অমৰনাথ, গঙ্গোত্ৰী, যমুনাত্ৰীৰ দৰে তীৰ্থক্ষেত্ৰসমূহ কলিযুগৰ শেষত হেৰাই যাব পাৰে৷ মহাবিনাশৰ পাছতেই নতুনভাৱে আৱিৰ্ভূত হ’ব এইসমূহ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
