অসম লাইভ২৪ঃ ২০২২ চনৰ এপ্ৰিল মাহত বিবাহপাশত আৱদ্ধ হৈছিল বলীউড অভিনেতা ৰণবীৰ-আলিয়া। ২০২২ বৰ্ষৰেই জুন মাহত আলিয়া-ৰণবীৰে দিছিল সন্তান আগমনৰ খবৰ। খবৰটোৰ প্ৰায় ৫ মাহৰ অন্ততেই আলিয়া-ৰণবীৰৰ জীৱনলৈ আহিল সন্তান ৰাহা। বৰ্তমান ৰাহাৰ বয়স প্ৰায় ৩ মাহ। তাৰমাজতেই আকৌ এবাৰ চৰ্চা হৈছে আলিয়া পুনৰ সন্তানসম্ভৱা।
দেওবাৰে এই খবৰটো সমগ্ৰতে ভাইৰেল হৈ পৰিছে। কিছুদিন পূৰ্বে এটা বিশেষ ফটোশ্ব’টত অংশগ্ৰহণ কৰিছিল আলিয়াই। ফটোশ্ব’টৰ বিশেষ ফটোকেইখন দেখা মাত্ৰকেই নেটিজেনে আৰম্ভ কৰিছে চৰ্চা।
বহুসংখ্যকে সামাজিক মাধ্যমত লিখিছে, কাপুৰ পৰিয়াল হাম দৌ হামাৰে দৌ নীতিতেই বিশ্বাসী। বিয়াৰ পূৰ্বেই বহুকেইটা অনুষ্ঠানত আলিয়া-ৰণবীৰে এই বাসনাৰ কথা কৈ আহিছে। কিন্তু দ্বিতীয়টো সু-খবৰ কেতিয়া দিব ৰণবীৰ-অলিয়াই? এই সময়ত কন্যা ৰাহাক লৈ ব্যস্ত আলিয়া-ৰণবীৰ। কৰ্মক্ষেত্ৰলৈয়ো আলিয়াই এইসময়ত উভতি যাব বিচৰা নাই বুলি এক সাক্ষাৎকাৰত উল্লেখো কৰিছিল। পুনৰ সন্তান সম্ভৱাৰ বিষয়টো এক উৰাবাতৰি বুলিহে এক সূত্ৰই প্ৰকাশ কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
