১৩ টা গোচৰ, ৫০ হাজাৰৰ পুৰষ্কাৰ, বহু বছৰ ধৰি সন্ধান নাই ডন মুখতাৰ আনচাৰীৰ পত্নীৰ
কালি বৃহস্পতিবাৰে নিশা ১০.৩০ মিনিটত নিধন হয় পূৱৰ কুখ্যাত ডন মুখতাৰ আনচাৰীৰ। মৃত্যুৰ সময়ত কাৰাবাস খাটি আচিল আনচাৰীয়ে। হাৰ্ট এটেকত মৃত্যু হয় ডনৰ।
পাছে এতিয়া প্ৰশ্ন উত্থাপন হৈছে আন এক হে। কুখ্যাত ডন মুখতাৰ আনচাৰীৰ সমানেই কুখ্যাত আছিল পত্নী আফছা আনচাৰী। যি আফছাৰ বিৰুদ্ধে আছে ১৩ টা গোচৰ, লগতে তেঁওৰ সন্ধান দিওঁতালৈ ৫০ হাজাৰ টকাৰ পুৰষ্কাৰ।
বহু বছৰৰ পৰা লুকাই আছে আফছা। আৰক্ষীয়ে বহু সন্ধান কৰিয়ো কতো কোনো শুং সূত্ৰ উলিয়াব পৰা নাই মুখতাৰ আনছাৰীৰ পত্নী আফছা আনচাৰীৰ।
যাৰ বাবে এতিয়া প্ৰশ্ন উত্থাপন হৈছে স্বামীৰ অন্তিম ক্ৰিয়াৰ সময়ত উপস্থিত হ’বনে পত্নী। শেষ বাৰৰ বাবে স্বামীক দেখা কৰিব আহিব নে আফছা। নে ধৰা পৰাৰ ভয়ত এইবাৰো লুকাই থাকিব।
উল্লেখ্য যে, বহু মাটি-বাৰী সংক্ৰান্তীয় গোচৰত দোষী আফছা। টকাৰ বাবে বহু নকৰিবলগীয়া কাম কৰি থৈছে। বহু লোকৰ পৰা টকা খোৱাৰ লগতে চৰকাৰী মাটি দখল কৰি নিজৰ নামত কৰাৰ পৰা আনৰ মাটি কোনো অন্যক বিক্ৰী কৰা আদি বহুতো গোচৰ আছে আফছাৰ বিৰুদ্ধে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
