বলিউডত অভিনেত্ৰীসকলক শৰীৰটো লৈ বিভিন্নজনে বিভিন্ন সময়ত বিভিন্ন পৰামৰ্শ দিয়া কথাটো নতুন নহয়। বলিউডৰ প্ৰতিভাশালী আৰু সুন্দৰ অভিনেত্ৰীসকলৰ ভিতৰত দিয়া মিৰ্জা অন্যতম। দিয়া মিৰ্জাকো নিজৰ চেহেৰাত পৰিবৰ্তন আনিবলৈ পৰামৰ্শ দিয়া হৈছিল বুলি শেহতীয়াকৈ অভিনেত্ৰীগৰাকীয়ে প্ৰকাশ কৰিছে। অভিনেত্ৰীগৰাকীয়ে নিজেই প্ৰকাশ কৰিছে যে তেওঁক ব্ৰে*ষ্টৰ আকাৰ বৃদ্ধি কৰিবলৈ আৰু ওঁঠত ফিলাৰ (ইঞ্জেকচন) কৰাবলৈ বহুবাৰ পৰামৰ্শ দিয়া হৈছিল।
বলিউড অভিনেত্ৰী দিয়া মিৰ্জা নিজৰ স্পষ্টভাষী স্বভাৱৰ বাবে জনাজাত। অভিনয়ৰ লগতে তেওঁ সামাজিক মাধ্যমতো যথেষ্ট সক্ৰিয় আৰু বিভিন্ন সামাজিক বিষয়ত নিজৰ মতামত প্ৰকাশ কৰি আহিছে। এইবাৰ তেওঁ চলচ্চিত্ৰ উদ্যোগত প্ৰচলিত সৌন্দৰ্যৰ মান সম্পৰ্কে মুকলিকৈ প্ৰকাশ কৰিছে। দিয়া মিৰ্জাই কয় যে চলচ্চিত্ৰ উদ্যোগত অভিনেত্ৰীসকলক অধিক সুন্দৰ দেখুৱাবলৈ বিভিন্ন ধৰণৰ চাপ দিয়া হয়। তেওঁ প্ৰকাশ কৰে যে উদ্যোগত নতুনকৈ অহাৰ সময়ত তেওঁকো বহুতে নিজৰ চেহেৰা সলনি কৰিবলৈ পৰামৰ্শ দিছিল। বিশেষকৈ ওঁঠত ইঞ্জেকচন ল’বলৈ আৰু ব্ৰে*ষ্টৰ আকাৰ বৃদ্ধি কৰিবলৈ কোৱা হৈছিল। আটাইতকৈ আচৰিত কথাটো হ’ল, এনে পৰামৰ্শ সদায় পুৰুষসকলৰ পৰাই আহিছিল; কোনো মহিলাই কেতিয়াও তেওঁক এনে কথা কোৱা নাছিল।
বৈষম্যৰ বলি হৈছিল দিয়া মিৰ্জা
যেতিয়া দিয়াক সোধা হয় যে বয়স বা চেহেৰাক লৈ তেওঁ কেতিয়াবা বৈষম্যৰ সন্মুখীন হৈছিল নেকি, তেতিয়া তেওঁ কয় যে এনে অভিজ্ঞতা তেওঁৰ বহুবাৰ হৈছিল। তেওঁ জনায়, বহুতে কৈছিল যে যদি তেওঁ অধিক আকৰ্ষণীয় দেখাব বিচাৰে, তেন্তে ওঁঠ আৰু শৰীৰত পৰিবৰ্তন আনিব লাগিব। অভিনেত্ৰীগৰাকীৰ ভাষাত, “এই পৰামৰ্শ সদায় পুৰুষসকলৰ পৰাই আহিছিল। কোনো মহিলাই কেতিয়াও মোক ওঁঠত ইঞ্জেকচন ল’বলৈ বা ব্ৰেষ্টৰ আকাৰ বৃদ্ধি কৰিবলৈ কোৱা নাছিল।” দিয়া মিৰ্জাই আৰু কয় যে এনে মন্তব্যই তেওঁৰ মনত গভীৰ প্ৰভাৱ পেলাইছিল। সেই সময়ত তেওঁ নিজৰ মাজতেই কিবা অভাৱ আছে বুলি অনুভৱ কৰিবলৈ আৰম্ভ কৰিছিল। আচৰিত বিষয়টো হ’ল, এই সকলো ঘটিছিল তেতিয়া, যেতিয়া তেওঁ ইতিমধ্যে দুটা ডাঙৰ সৌন্দৰ্য প্ৰতিযোগিতাৰ খিতাপ জয়ী লৈছিল। সেই সময়ত তেওঁৰ বয়স ২০ বছৰৰো কম আছিল। তেওঁ জনায়, কেতিয়াবা কোনো পৰিচালক, কেতিয়াবা কোনো চলচ্চিত্ৰ নিৰ্মাতা, আনহাতে কেতিয়াবা নিজকে বিশেষজ্ঞ বুলি দাবী কৰা ব্যক্তিয়ে তেওঁক এনে ধৰণৰ পৰামৰ্শ দিছিল।
দিয়া মিৰ্জাই কয় যে প্ৰতিগৰাকী মহিলাক তেওঁলোক যিদৰে আছে, সেইদৰেই গ্ৰহণ কৰা উচিত। তেওঁৰ মতে, বাহ্যিক সৌন্দৰ্যতকৈ অধিক গুৰুত্বপূৰ্ণ হৈছে নিজৰ শৰীৰ আৰু নিজক স্বীকাৰ কৰিবলৈ শিকা। তেওঁ বিশ্বাস কৰে যে আত্মবিশ্বাস আৰু নিজৰ প্ৰতি ভালপোৱা-সন্মানেই প্ৰকৃত সৌন্দৰ্য, কছমেটিক পৰিবৰ্তন নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
