কোনে ডিজাইন কৰিছিল অপাৰেচন সিন্দূৰৰ ল’গ’, দুগৰাকী সেনা ইয়াৰ মূলতে
২২ এপ্ৰিলৰ পেহেলগাম ঘটনাৰ পাছতে ভাৰতে পাকিস্তানৰ সন্ত্ৰাসাবাদীৰ বিৰুদ্ধে লোৱা প্ৰতিশোধমূলত ব্যৱস্থা স্বৰূপে ৭ মে’ত ভাৰতীয় সেনাই আৰম্ভ কৰিছিল অপাৰেচন সিন্দূৰ নামৰ এক অভিযান। যি অভিযানৰ ওপৰত দৃষ্টি নিৱদ্ধ ৰাখিছিল সমগ্ৰ বিশ্বই। সেই অভিযানতে ভাৰতে নিঃশেষ কৰিছিল পাকিস্তানৰ ১০০ৰো অধিক সন্ত্ৰাসবাদী। লগতে ধ্বংস কৰিছিল বহু কেইটা সন্ত্ৰাসবাদী ঘাটি।
পাছে এই সমগ্ৰ অভিযানটোৰ বিশেষত্ব আছিল ইয়াৰ নাম আৰু ইয়াৰ ল’গ’। কাৰণ LOGO টো আছিল দেশৰ কোটি কোটি মানুহৰ হৃদয় চুই যোৱা বস্তু। ল’গ’টো ক’লা পটভূমিত গাঢ় বগা আখৰেৰে লিখা আছিল ‘OPERATION SINDOOR’। ইয়াৰ Sindoor শব্দটোৰ এটা ‘অ’ আছিল সেন্দূৰৰ এটা বাতি।
পেহেলগামত হিন্দু লোকক ধৰ্ম সুধি পুৰুষ সকলক হত্যা কৰি পত্নীসকলৰ শিৰৰ সেন্দূৰ মচা বাবে এই অভিযানৰ নাম ৰাখিছিল অপাৰেচন সেন্দূৰ। কিন্তু এই নাম আৰু ল’গ’টোক লৈ মানুহৰ মনত এটা প্ৰশ্ন ইমানদিনে আহি আছিল যে অপাৰেচন চিন্দূৰৰ এই ল’গ’টো কোনে ডিজাইন কৰিছিল।
এই ডিজাইনৰ মূলতে আছিল- ভাৰতীয় সেনাৰ দুজন জোৱান। যিয়ে এই ল’গ’টো প্ৰস্তুত কৰাত গুৰুত্বপূৰ্ণ ভূমিকা পালন কৰিছিল। তেওঁলোক দুগৰাকী হৈছে- কৰ্ণেল হৰ্ষ গুপ্তা আৰু হাবিলদাৰ সুৰিন্দৰ সিং।
এই দুই সেনাই অপাৰেচন সিন্দূৰৰ ল’গ’ ডিজাইন কৰাত গুৰুত্বপূৰ্ণ ভূমিকা পালন কৰিছিল। কৰ্ণেল হৰ্ষ গুপ্তা পঞ্জাৱ ৰেজিমেণ্টৰ হোৱাৰ বিপৰীতে হাবিলদাৰ সুৰিন্দৰ সিং সেনাবাহিনীৰ আৰ্মি এডুকেচন কৰ্পছৰ। সেনাবাহিনীৰ তথ্য অনুসৰি এই ল’গ’টো টুইটাৰত ৯ কোটি আৰু ইনষ্টাগ্ৰামত ৫১ কোটি বাৰ চোৱা হৈছে।
ভাৰতীয় সেনাৰ আলোচনী ‘বাটচীত’ৰ নতুন সংস্কৰণত অপাৰেচন সিন্দূৰৰ ল’গ’ ডিজাইন কৰা লেফটেনেণ্ট কৰ্ণেল হৰ্ষ গুপ্তা আৰু হাবিলদাৰ সুৰিন্দৰ সিঙৰ ছবি প্ৰকাশ কৰা হৈছে। লগতে লিখিছে যে, দুয়োজন জোৱানে মাত্ৰ ৪৫ মিনিটতে এই ল’গ’টো নিৰ্মাণ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
