কিয় ৫৩ বছৰ বয়সতো অবিৱাহিত হৈয়ে থাকিল গীতা কাপুৰ? জানক ইয়াৰ কাৰণ

জনপ্ৰিয় নৃত্যশিল্পী আৰু বলিউডৰ অন্যতম খ্যাতিমান কোৰিঅ’গ্ৰাফাৰ গীতা কাপুৰ, যাক অধিকাংশ মানুহে মৰমতে ‘গীতা মা’ নামেৰে চিনি পায় তেওঁ ব্যক্তিগত জীৱন আৰু অবিবাহিত হৈ থকাৰ সিদ্ধান্তৰ বিষয়ে তেওঁ সদায় খোলাখুলিকৈ মত প্ৰকাশ কৰি আহিছে। শেহতীয়াভাৱে এটা সাক্ষাৎকাৰত গীতা কাপুৰে কিয় এতিয়ালৈকে অবিৱাহিত হৈ থাকিল, সেই বিষয়ে বিস্তৃতভাৱে কৈছিল। তেওঁৰ মতে, জীৱনৰ আৰম্ভণিতে পৰিয়ালৰ দায়িত্বই তেওঁৰ প্ৰথম অগ্ৰাধিকাৰ আছিল। তাৰ পিছত তেওঁ মাকৰ বাবে এটা ঘৰ কিনাৰ লক্ষ্য লৈ কেৰিয়াৰ গঢ়া আৰু আৰ্থিকভাৱে স্বাৱলম্বী হোৱাত সম্পূৰ্ণ মনোনিৱেশ কৰিছিল।

বহুজনৰ সৈতে ডেট কৰিছিল ‘গীতা মা’ই

গীতা কাপুৰে স্বীকাৰ কৰে যে তেওঁৱো এসময়ত বিৱাহ বান্ধোনত আৱদ্ধ হৈ সংসাৰ পাতিব বিচাৰিছিল আৰু সন্তানৰ মাতৃ হোৱাৰ সপোন দেখিছিল। কিন্তু তেওঁ অনুভৱ কৰা মতে, এতিয়ালৈকে এনে কোনো ব্যক্তি তেওঁৰ জীৱনলৈ, যাৰ সৈতে তেওঁ বিয়াৰ দৰে গভীৰ সম্পৰ্ক গঢ়ি তোলাৰ অনুভৱ কৰিব। তেওঁ কয় যে জীৱনত তেওঁৱো বহুজনক ডেট কৰিছিল যদিও কাৰো ক্ষেত্ৰতে সেই বিশেষ অনুভূতি জাগি উঠা নাছিল। তেওঁৰ ভাষাত, ‘এসময়ত মই বিয়াৰ কথা ভাবিছিলোঁ, কিন্তু এতিয়া হয়তো সেই সময় পাৰ হৈ গৈছে। তথাপিও ভৱিষ্যতে যদি এনেকুৱা কোনো মানুহ লগ পাওঁ, যিয়ে মোক সঁচাকৈয়ে বুজিব পাৰে আৰু মোৰ যত্ন ল’ব পাৰে, তেন্তে নিশ্চয় সেই সম্ভাৱনাক নাকচ নকৰোঁ।’
ৰিয়েলিটি ডান্স শ্ব’ৰ জৰিয়তে গীতা কাপুৰে ‘গীতা মা’ নামেৰে বিশেষ পৰিচিতি লাভ কৰে। এই উপাধিৰ বিষয়ে তেওঁ কয়, ‘শ্ব’ত লগ পোৱা সকলো প্ৰতিযোগী মোৰ নিজৰ সন্তানৰ দৰেই। তেওঁলোকৰ মৰম আৰু সন্মান পাই মই নিজকে ধন্য অনুভৱ কৰোঁ।’তেওঁ এই কথাও স্বীকাৰ কৰে যে জীৱনৰ এটা পৰ্যায়ত এজন জীৱনসংগীৰ প্ৰয়োজন অনুভৱ হ’ব পাৰে। কিন্তু সেই সংগীজন এনে হ’ব লাগিব, যিয়ে তেওঁক সঁচাকৈয়ে বুজিব, সন্মান কৰিব আৰু জীৱনৰ সকলো পৰিস্থিতিত তেওঁৰ কাষত থাকিব।

গীতা কাপুৰৰ কেৰিয়াৰ

কেৰিয়াৰৰ ক্ষেত্ৰত গীতা কাপুৰৰ সফলতা অনন্য। মাত্ৰ ১৫ বছৰ বয়সতে তেওঁ নৃত্যজগতত যাত্ৰা আৰম্ভ কৰিছিল । Kuch Kuch Hota Hai, Dil Toh Pagal Hai, Kabhi Khushi Kabhi Gham, Mohabbatein, Kal Ho Na Ho, Main Hoon Na, and Om Shanti Omৰ দৰে ছবিত কৰিঅ’গ্ৰাফাৰ ফৰাহ খানৰ সহকাৰী হিচাপে কাম কৰাৰ উপৰিও Fiza , Asoka , Saathiya, Heyy Babyy, Thoda Pyaar Thoda Magic, Aladin, Tees Maar Khan’s Sheila Ki Jawani’, Tere Naal Love Ho Gayaৰ দৰে ছবিত মুখ্য কৰিঅগ্ৰাফাৰ হিচাপে কাম কৰিছে। ২০০৮ চনত ‘ডান্স ইণ্ডিয়া ডান্স (DID)’ অনুষ্ঠানৰ বিচাৰক হিচাপে তেওঁ ঘৰে ঘৰে জনপ্ৰিয়তা লাভ কৰে। বৰ্তমান তেওঁ ‘ইণ্ডিয়াজ বেষ্ট ডান্সাৰ’ অনুষ্ঠানত বিচাৰকৰ দায়িত্ব পালন কৰি আছে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ