মেট গালা ২০২৬ত উদ্যোগপতি মুকেশ আম্বানী আৰু নীতা আম্বানীৰ কন্যা ঈশাৰ সাজপোছাকক লৈ চলিছে চৰ্চা৷ মেট গালাৰ ৰঙা দলিছাক ঈশাই পৰিধান কৰা পোছাক শিল্পী গৌৰৱ গুপ্তাই ডিজাইন কৰা৷ সোণৰ জৰিৰে কাম কৰা শাৰী পৰিধান কৰিছে ঈশাই৷ ঈশাই পৰিধান কৰা ব্লাউজতো হীৰা আৰু মানিকেৰে কাম কৰা আছে৷ কমবেছি ৪০জন শিল্পীয়ে মিলি তৈয়াৰ কৰিছে ঈশাৰ এই ১৮০০ কেৰেটৰ ব্লাউজটি৷ ইয়াতেই শেষ নহয়, ঈশাই হাতত লৈছে জালৰ নক্সাৰ এটা বেগ৷ সেই বেগৰ ভিতৰত আছে এটা গোটা আম৷ কিন্তু মেট গালাত ঈশাই হাতত কিয় আম লৈ গৈছে? সেই প্ৰশ্ন এতিয়া বহুতৰে মনত৷
ঈশাৰ হাতত বহুলচৰ্চিত মেংগ বেগটো দেখি আচল যেন ধাৰণা হলেও সেয়া কিন্তু আচল নহয়৷ আমটোৰ বয়স প্ৰায় ২০ বছৰ৷ আমটো প্ৰকৃততে প্ৰবীণ ভাৰতীয় শিল্পী সুবোধ গুপ্তই তৈয়াৰ কৰা এটা ইস্পাতৰ ভাস্কৰ্য৷ ইতিমধ্যেই আমৰ বতৰ আৰম্ভ হৈছে৷ ঈশাৰ হাতত আম ভৰা বেগৰ ছবি সামাজিক মাধ্যমত ভাইৰেলো হৈছে৷ ফেশ্বনতাৰকাসকলে ধৰি লৈছিল যে ঈশাৰ বেগত প্ৰকৃত আমেই ভৰাই লৈছে৷ কিন্তু মেট গালাত পোছাকৰ বিৱৰণ দিবলৈ গৈ সাক্ষাৎকাৰত ঈশাই কৈছে, ‘এই আম এক ভাস্কৰ্য, ভাৰতীয় শিল্পী সুবোধ গুপ্তাই তৈয়াৰ কৰিছে ইয়াক৷ দেখি বুজা নগলেও ই ষ্টিলেৰে তৈয়াৰী৷ ২০ বছৰ পূৰ্বে সুবোধে নিজ হাতে আমটো তৈয়াৰ কৰিছিল৷’
এই বছৰৰ মেট গালাৰ থিম আছিল ফেশ্বন ইজ আৰ্ট৷ সেয়ে ঈশাৰ ধাৰণা হৈছে যে দিল্লী নিবাসী শিল্পী সুবোধৰ এই ভাস্কৰ্যটো প্ৰদৰ্শনীৰ বাবে মেট গালা এখন ভাল মঞ্চ৷ ঈশা আৰু তেওঁৰ মাতৃ নীতাই ভাৰতীয় শিল্পীসকলৰ কামক নিজৰ ফেশ্বনত বাৰে বাৰে তুলি ধৰি আহিছে৷ শাৰী হওক বা বেগ, ব্লাউড হওক বা ড্ৰেছ৷ নীতাৰ দৰে ঈশাও তৰুণীসকলৰ আইকন হৈ উঠিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
