পিতৃয়ে কিয় কাঢ়িলে টেনিছ খেলুৱৈ কন্যা ৰাধিকাৰ প্ৰাণ, তদন্তত প্ৰকাশ চাঞ্চল্যকৰ তথ্য
প্ৰতিভাৱান টেনিছ খেলুৱৈ ৰাধিকা যাদৱৰ মৃত্যুৱে চাঞ্চল্যৰ সৃষ্টি কৰিছে সমগ্ৰ দেশতে। নিজৰ পিতৃয়েই তিনি জাঁই গুলি কৰি হত্যা কৰে কন্যাৰ। এই ঘটনাত প্ৰথমে প্ৰকাশ পাইছিল যে, কন্যাৰ ৰিল বনোৱা কাৰ্যত ক্ৰোধান্বিত হৈ এই কাণ্ড সংঘটিত কৰে পিতৃয়ে। পাছে আৰক্ষীৰ তদন্তৰ পোহৰলৈ আহিছে এন্য কাৰণ।
গুৰুগ্ৰামৰ ৫৭ নং ছেক্টৰত ৰাজ্যিক পৰ্যায়ৰ মহিলা টেনিছ খেলুৱৈ ৰাধিকা যাদৱৰ হত্যাকাণ্ডৰ ঘটনাত প্ৰকাশ পাইছে এক নতুন তথ্য। টেনিছ খেলুৱৈ কন্যাই একাডেমী খোলাৰ বাবে পিতৃৰ খং উঠি আছিল। কাৰণ কোনোদিনে কন্যাক কোনো ক্ষেত্ৰতে পিছত নৰখা পিতৃয়ে যেতিয়াই ঘৰৰ পৰা বাহিৰ হৈছিল , তেতিয়াই মানুহে কৈছিল- নিলাজ পিতৃ কন্যাৰ উপাৰ্জন খায়।
এই কথাতেই পিতৃ দীপক যাদৱ বৰ বিচলিত হৈছিল। বাৰে বাৰে কন্যাক সেই একাডেমি চলোৱাৰ বাবে মানা কৰি আহিছিল। বিগত ১৫ দিন ধৰি টেনিছ একাডেমী সন্দৰ্ভত পিতৃ-কন্যাৰ মাজত বিবাদো চলিছিল। কিন্তু কন্যাই পিতৃৰ কথাত সৈমান নহয় নিজৰ একাডেমি চৱোলাত ব্যস্ত হৈ পৰে।
সেয়ে ১০ জুলাই বৃহস্পতিবাৰে পুৱা কোনো এটা বিষয়ত দুয়োৰে মাজত অধিক কাজিয়াৰ সূত্ৰপাত হয়, শেষত ক্ৰোধত একো নাই হৈ পিতৃ দীপকে অনুজ্ঞাপত্ৰ থকা ৰিভলভাৰেৰে কন্যা ৰাধিকাৰ পিঠিত তিনিটা জাঁই গুলী কৰে।
ঘটনাৰ পাছতে ৰাধিকাৰ খুড়াক আৰু সম্পৰ্কীয় ককায়েকে ততাতৈয়াকৈ হাস্পতাললৈ নিয়ে যদিও হাস্পতালত মৃত ঘোষণা কৰে। আৰক্ষীয়ে বৰ্তমানে আটক কৰিছে ৰাধিকাৰ পিতৃক, পিতৃয়েও সৈ কাঢ়িছে কন্যাক হত্যা কৰাৰ কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
