দেশত অহা ১ জুলাইৰ পৰা বহু পৰিৱৰ্তন হোৱাৰ সম্ভাৱনা আছে৷ যেনে — কৰ্মৰ সময় বৃদ্ধি হ’ব পাৰে, ইনহেণ্ড দৰমহা হ্ৰাস পাব পাৰে, দুচকীয়া গাড়ীৰ দাম বৃদ্ধি হ’ব পাৰে, আধাৰ-পান লিংকিঙৰ বাবে জৰিমনা দুগুণ হ’ব ইত্যাদি।
এই পৰিৱৰ্তনসমূহৰ ভিতৰত আটাইতকৈ গুৰুত্বপূৰ্ণ হ’ব এল পি জি চিলিণ্ডাৰৰ মূল্য। কাৰণ প্ৰতিটো খণ্ড ইয়াৰ লগত সংযুক্ত হৈ আছে।
এল পি জি চিলিণ্ডাৰ মূল্য হ্ৰাস পাব নে অধিক ব্যয়বহুল হ’ব নে পুৰণি মূল্যত উপলব্ধ হ’ব, সেয়া কেৱল ১ জুলাইতহে জানিব পৰা যাব৷ কিন্তু উল্লেখ্যযোগ্য কথাটো হৈছে যে দেশৰ বেছিভাগ চহৰতে ঘৰুৱা এল পি জি চিলিণ্ডাৰ দাম ১০০০ টকাৰ ওপৰত। স্মৰ্তব্য যে, যোৱা এটা বছৰত এল পি জি চিলিণ্ডাৰৰ ব্যয় বৃদ্ধি পালে ১৬৮.৫০ টকা৷
লগতে পঢ়ক অতি কৰুণ দৃশ্য! বানত বুৰ গ’ল হাস্পতাল, ৰাস্তাতে কেঞ্চাৰ ৰোগীৰ কেমোথেৰাপি!
যোৱা এবছৰত দিল্লীত ঘৰুৱা এল পি জি চিলিণ্ডাৰৰ হাৰ ৮৩৪.৫০ টকাৰ পৰা ১০০৩ টকালৈ বৃদ্ধি পাইছে। ১৪.২ কেজি ঘৰুৱা এল পি জি চিলিণ্ডাৰৰ হাৰত শেষবাৰৰ বাবে ৪ টকা বৃদ্ধি কৰা হৈছিল ২০২২ চনৰ ১৯ মে’ত।
ইয়াৰ পূৰ্বে ৭ মে’ত দিল্লীত প্ৰতি চিলিণ্ডাৰৰ মূল্য আছিল ৯৯৯.৫০ টকা। ২০২২ চনৰ ২২ মাৰ্চত ৯৪৯.৫০ টকাৰ তুলনাত ৭ মে’ত এল পি জি চিলিণ্ডাৰটো ৫০ টকাকৈ ব্যয়বহুল হৈ পৰে।
২২ মাৰ্চতো চিলিণ্ডাৰৰ দামত ৫০ টকা বৃদ্ধি কৰা হৈছিল। ইয়াৰ পূৰ্বে ২০২১ চনৰ অক্টোবৰৰ পৰা ২০২২ চনৰ ফেব্ৰুৱাৰীলৈ দিল্লীত ঘৰুৱা এল পি জি চিলিণ্ডাৰৰ মূল্য আছিল ৮৯৯.৫০ টকা। কিন্তু ১ জুলাইৰ পিছত ইয়াৰ মূল্য বৃদ্ধি হয় নে একেই থাকেই তাৰ প্ৰতি দেশবাসী উৎকণ্ঠিত হৈ ৰোৱা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
