ৰাইড-হেলিং প্লেটফৰ্ম Rapido ই আকৌ এবাৰ বাতৰিৰ শিৰোনাম দখল কৰিছে। এইবাৰ এই প্লেটফৰ্ম ব্যৱহাৰ কৰা এজন ব্যৱহাৰকাৰীৰ ছ’চিয়েল মিডিয়া পোষ্টে আচৰিত কৰিছে। ইনষ্টাগ্ৰাম ব্যৱহাৰকাৰী অনুষ্কাই ছ’চিয়েল মিডিয়াত এক আচৰিত ঘটনাশ্বেয়াৰ কৰে, য’ত ৰেপিড’ৰ এগৰাকী চালকে ৰাইড সম্পূৰ্ণ কৰাৰ পিছত তেওঁক হোৱাটছএপত মেছেজ কৰিছিল।
ঘটনাটো কি?
অনুষ্কাই ইনষ্টাগ্ৰামত এটা ভিডিঅ’ শ্বেয়াৰ কৰে, য’ত তেওঁ প্ৰকাশ কৰে যে তেওঁক গন্তব্যস্থানত থৈ যোৱাৰ কিছু সময়ৰ পিছতে ৰাইডাৰজনে তেওঁৰ ব্যক্তিগত নম্বৰত হোৱাটছএপৰ জৰিয়তে যোগাযোগ কৰে। তেও এই কথা-বতৰাক আচৰিত বুলি কৈ কৰি তাৰে স্ক্ৰীণশ্বট নিজৰ পোষ্টত শ্বেয়াৰ কৰে।
এই পোষ্টটো এতিয়া দ্ৰুতগতিত ইণ্টাৰনেটত ভাইৰেল হৈ পৰিছে। এই পোষ্টটো ভাইৰেল হোৱাৰ পিছত ইউজাৰে ইয়াকে লৈ তীব্ৰ প্ৰতিক্ৰিয়া প্ৰকাশ কৰিছে। উত্থাপিত হোৱা আটাইতকৈ ডাঙৰ প্ৰশ্নটো হ’ল চালকজনে কেনেকৈ নিজৰ ব্যক্তিগত মোবাইল নম্বৰ লাভ কৰিলে।
এই বিষয়ে কি ক’লে Rapido এ?
এতিয়া Rapido এ এই বিষয়টোৰ প্ৰতি সঁহাৰি জনাইছে। এই আচৰণক অনুচিত বুলি অভিহিত কৰি কোম্পানীটোৱে ক্ষমা বিচাৰিছে। ৰেপিড’ৱে কয় যে, এইটো তেওঁলোকৰ সেৱাৰ মানদণ্ডৰ বিৰুদ্ধে আৰু এনে ক্ষেত্ৰত কঠোৰ ব্যৱস্থা গ্ৰহণ কৰা হ’ব।
ইয়াৰ উপৰিও কোম্পানীটোৱে ব্যৱহাৰকাৰীক নিজৰ পঞ্জীয়নভুক্ত মোবাইল নম্বৰ আৰু ৰাইড আইডি ডাইৰেক্ট মেছেজৰ জৰিয়তে শ্বেয়াৰ কৰিবলৈ কয় যাতে বিষয়টো ভালদৰে তদন্ত কৰিব পাৰে।
এই ঘটনাই ৰাইড-হেলিং এপত ডাটা প্ৰাইভেচিক লৈ বিতৰ্কৰ সৃষ্টি কৰিছে। বহু ব্যৱহাৰকাৰীয়ে কয় যে ৰাইড শেষ হোৱাৰ পিছত চালকে যাত্ৰীৰ ব্যক্তিগত তথ্য ব্যৱহাৰ কৰিব নালাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
