বিবাহবিচ্ছেদৰ পাছতেই আইনী নিয়ম অনুসৰি স্ত্ৰীক ভৰণপোষণৰ বাবে যাৱতীয় খৰচ দিব লাগে স্বামীয়ে৷ কিছুক্ষেত্ৰত সম্পত্তিৰ ভাগো দিবলগীয়া হয়৷ কিন্তু এই বিষয়ে দেশৰ আইনত কিছু নিয়ম আছে৷ যাৰ ফলত কিছু কিছু সম্পত্তিত বিচ্ছেদৰ পাছত স্ত্ৰীৰ কোনো অধিকাৰ নাথাকে৷
বিবাহবিচ্ছেদৰ পাছতেই স্ত্ৰীৰ কোন সম্পত্তিৰ ওপৰত অধিকাৰ থাকিব আৰু কোন সম্পত্তিৰ ওপৰত অধিকাৰ নাথাকে সেয়া স্পষ্টকৈ লিখা আছে দেশৰ আইনত৷ আইনত কোৱা হৈছে যে বিবাহ বিচ্ছেদ ঘটিলে স্ত্ৰীয়ে কেতিয়াও স্বামীৰ পৈতৃক সম্পত্তিৰ ওপৰত অধিকাৰ দাবী কৰিব নোৱাৰে৷ অৰ্থাৎ স্বামী যিমান দিন জীৱিত আছে সিমান দিন পৰ্যন্ত স্বামীৰ পৈতৃক সম্পত্তিৰ ওপৰত কোনো অধিকাৰ নাথাকিব পত্নীৰ৷ আকৌ স্বামীৰ স্ব উপাৰ্জিত কোনো সম্পত্তি থাকিলেও সেই সম্পত্তিৰ ওপৰত বিবাহ বিচ্ছেদৰ পাছত কোনো অধিকাৰ দাবী কৰিব নোৱাৰে পত্নীয়ে৷
শহুৰেক, শাহুৱেক কিংবা স্বামীৰ অন্য কোনো আত্মীয়ৰ সম্পত্তিৰ ওপৰত পত্নীয়ে কেতিয়াও কোনো অধিকাৰ দাবী কৰিব নোৱাৰিব৷ বিবাহৰ পূৰ্বে যদি স্বামী স্ত্ৰীৰ মাজত মিউচুৱেল এগ্ৰিমেণ্ট হৈ থাকে তেন্তে বিচ্ছেদৰ পাছত সেই অনুসৰিয়েই সম্পত্তিৰ ভাগ হব৷
বিবাহ বিচ্ছেদৰ পাছত স্বামীয়ে ভৰণপোষণ দিব লাগে পত্নীক৷ আদালতৰ ৰায়ত এই অংক নিৰ্ধাৰিত হয়৷ ইয়াৰোপৰি বিয়াত পত্নীক দিয়া গহণা, সোণ, অলংকাৰৰ ওপৰত পূৰ্ণ অধিকাৰ থাকে পত্নীৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
