অসম লাইভ২৪ঃ মঙলবাৰে বিশ্বৰ জনসংখ্যাই ৮০০ কোটিৰ ঘৰ অতিক্ৰম কৰিলে। এই বিৰল কৃতিত্বত সৰ্বাধিক অৱদান ভাৰতবৰ্ষৰেই। যি হাৰত ভাৰতৰ জনসংখ্যা বৃদ্ধি হৈছে তালৈ লক্ষ্য কৰিলে বিশ্বৰ সৰ্বাধিক জনসংখ্যাৰ দেশ হৈ পৰিব ভাৰতবৰ্ষ।
জনসংখ্যাক লৈ ইউএনএফপিৰ তৰফৰ পৰা জনোৱা অনুসৰি ২০৩৭ চনত বিশ্বৰ জনসংখ্যা আৰু ১০০ কোটি বৃদ্ধি পাব। তাত সৰ্বাধিক অনুদান থাকিব এছিয়া আৰু আফ্ৰিকাৰ। তাৎপৰ্যপূৰ্ণ কথাটো এয়ে যে এবছৰৰ ভিতৰত চীনক পিছপেলাই সৰ্বাধিক জনসংখ্যা থকা দেশ হৈ পৰিব ভাৰতবৰ্ষ। বিশ্বৰ জনসংখ্যা ৭০০ কোটিৰ পৰা ৮০০ কোটিলৈ বৃ্দ্ধি হ’বলৈ সময় লাগিছে ১২ বছৰ। কিন্তু ৮০০ কোটিৰ পৰা ৯০০ কোটি হওঁতে সময় লাগিল ১৪ বছৰ। কাৰণ উন্নত বহুকেইখন দেশত দিনকদিনে জনসংখ্যা নিয়ন্ত্ৰণ হৈছে। ২০৮০ চনলৈ বিশ্বৰ জনসংখ্যা সৰ্বোচ্ছ হ’বগৈ। জনসংখ্যা কেইবা হাজাৰ কোটিলৈ বৃদ্ধি হ’ব।
উল্লেখ্য যে আটাইতকৈ বেছি জনসংখ্যা বাঢ়িছে নিম্ন আৰু নিম্ন মধ্যবিত্তৰ দেশসমূহত। আগন্তুক সময়ত ৮০০ পৰা ৯০০ কোটি হোৱাত এই দেশসমূহৰেই অৱদান সৰ্বাধিক হ’ব। প্ৰায় ৯০ শতাংশ অৱদান থাকিব এই অনুন্নত দেশসমূহৰ। জুলাই মাহত প্ৰকাশিক ‘দ্যা ৱাৰ্ল্ড পপুলেছন প্ৰছপেক্ছ ২০২২ অনুযায়ী ভাৰতৰ জনসংখ্যা ১৪১.২ কোটি, চীনৰ জনসংখ্যা ১৪২.৬ কোটি। ২০৫০ চনলৈ ভাৰতৰ জনসংখ্যা বাঢ়ি ১৬৬.৮ কোটি হ’বগৈ। তাৰ বিপৰীতে চীনৰ জনসংখ্যা হ’ব ১৩১.৭ কোটিলৈ কমিব বুলি সমীক্ষাত উল্লেখ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
