ধন ঘটিছে কৃত্ৰিম মেধা বা AI ৰে তৈয়াৰী ভিডিঅ’ৰে৷ ডিজিটেল মাধ্যমেৰে AI শ্লপ বা ব্ৰেইন ৰট কণ্টেণ্ট তৈয়াৰ কৰি বছৰত কোটি কোটি ধন আ কৰিছে এজন ভাৰতীয় ইউটিউবাৰে৷ সমীক্ষাত প্ৰকাশ পাইছে উপাৰ্জনৰ তথ্য৷ কিন্তু পোনতেই জানি থওক এই ব্ৰেন ৰট কি বিষয়ক কণ্টেণ্ট? ব্ৰেইন ৰট কওঁতে সহজ ভাষাত বুজা যায় মানসিক ক্লান্তি আৰু মস্তিষ্কৰ অৱক্ষয়, যি দ্ৰুতগতিত সৰু আৰু প্ৰায়েই অৰ্থহীন ডিজিটেল বিষয় অতিৰিক্ত পৰিমানে চোৱাৰ পাছত হয়৷ এই সকলো বিষয়ৰ মাজত আছে সৰু টিকটক ভিডিঅ’ অযুক্তিকৰ আৰু অবাস্তৱ মিম, ৰিল ইত্যাদি৷ এই সকলো বিষয়ৰ মাজত কোনো অৰ্থ বা শিক্ষণীয় বিষয় নাথাকিলেও ঘণ্টাৰ পাছত ঘণ্টা আমি সেইবোৰ চাই থাকো৷ ফলত মানুহৰ মনোযোগ কমি যায়৷ গভীৰ চিন্তাভাৱনা কৰাৰ ক্ষমতাও কমে৷ ই কোনো আনুষ্ঠানিকভাৱে ঘোষিত ৰোগ নহলেও বিশেষজ্ঞসকলৰ বহুতেই বিষয়টোক লৈ চিন্তিত৷ সাম্প্ৰতিক সময়ত এই বিষয়ক লৈ বিস্তৰভাৱে লেখামেলাও কৰা হৈছে৷
কৃত্ৰিম বুদ্ধিমত্তাৰ মাধ্যমেৰে তৈয়াৰী সেই এ আই শ্লপ বা ব্ৰেইন ৰট কণ্টেণ্টসমূহ তৈয়াৰ কৰিবলৈ কষ্ট কম৷ মানুহে তৈয়াৰ কৰা অৰ্থৱহ কোনো কণ্টেণ্টৰ পৰিবৰ্তে কেৱল মানুহৰ দৃষ্টি আকৰ্ষণৰ বাবেই এইসমূহ তৈয়াৰ কৰা হয়৷ AI সৃষ্ট বিষয়ৰ উত্থানৰ পৰীক্ষা কৰি সম্প্ৰতি এক সমীক্ষা চলিছিল ভিডিঅ’ এডিটিং প্লেটফৰ্ম কাপউইঙত৷ বিশ্বব্যাপী সকলোতকৈ বেছি অনুসৰণকাৰী থকা ১৫,০০০ ইউটিউব চেলেল পৰ্যালোচনা কৰে সংস্থাটোৱে৷
সমীক্ষাত দেখা গৈছে সেই ১৫০০০ৰ ভিতৰত ২৭৮ টা ইউটিউব চেনেলে সম্পূৰ্ণৰূপে AI নিৰ্মিত বিষয় আপলোড কৰে৷ চেনেলসমূহৰ পৰা যিসমূহ ভিডিঅ’ আপলোড কৰা হৈছে সেয়া সন্মিলিতভাৱে ৬৩০০ কোটি বাৰতকৈ বেছি চোৱা হৈছে৷ চেনেলসমূহৰ মুঠ ছাবস্ত্ৰাইবাৰৰ সংখ্যা ২২.১ কোটি৷
বিষয়টো আৰু বিস্তাৰিতভাৱে জুঁকিয়াই চাবলৈ প্ৰতিখন দেশৰ শীৰ্ষ ১০০ টা চেনেলো পৰীক্ষা কৰা হৈছিল৷ কাপউইঙৰ তৰফৰ পৰা ভাৰতীয় চেনেলসমূহক লৈয়ো এই সমীক্ষা চলোৱা হৈছিল৷ কাপউইঙৰ প্ৰতিবেদন অনুসৰি বন্দৰ অপনা দোস্ত নামৰ ইউটিউব চেনেলটোৱে বিশ্বব্যাপী সৰ্বাধিক চোৱা AI শ্লপ চেনেল৷ সমীক্ষা অনুসৰি চেনেলটো সম্পূৰ্ণৰূপে এ আই জেনেৰেটেড বা কৃত্ৰিম মেধাৰে তৈয়াৰী ভিডিঅ’ আপলোড কৰাৰ বাবে পৰিচিত৷ ২০০ কোটিতকৈ বেছি বাৰ এই চেনেলৰ ভিডিঅ’সমূহ চোৱা হৈছে৷ সেই চেনেলৰ বিৱৰণত লিখা আছে, ‘বন্দৰ অপনা দোস্তয়ে সকলোকে স্বাগত জনাইছো৷ বান্দৰৰ জীৱনৰ মজা, আৱেগ আৰু অতি বাস্তৱবাদী গল্প কোৱাৰ এক অনন্য মিশ্ৰণ এই চেনেল৷ তাৰ আপুনি বান্দৰৰ হাস্যকৰ, নাটকীয় আৰু হৃদয়স্পৰ্শী সংক্ষিপ্ত ভিডিঅ’সমূহ চাব পাৰে৷
এই চেনেলটোৰ ছাৱস্ত্ৰাইবাৰৰ সংখ্যা প্ৰায় ২৮ লাখ৷ মুঠ ৬১৯ টা ভিডিঅ’ আপলোড হৈছে সেই চেনেলৰ পৰা৷ আৰু এইসমূহ ভিডিঅ’ৰ মাধ্যমেৰে বছৰি আনুমানিক ৪২.৫ লাখ ডলাৰ বা ৩৫ কোটি টকা আয় কৰিছে চেনেলটোৱে৷ অবিশ্বাস্য ধাৰণা হলেও এই তথ্য প্ৰকাশ পাইছে সমীক্ষাত৷ প্ৰযুক্তি আৰু ডিজিটেল অধিকাৰৰ গৱেষক ৰোহিনী লক্ষণে সংবাদমাধ্যম দ্যা গাৰ্ডিয়ানক জনাইছে যে বন্দৰ অপনা দোস্তৰ জনপ্ৰিয়তা সম্ভৱত ইয়াত অযৌক্তিক, অবাস্তৱ আৰু অতি পুৰুষালি কণ্টেণ্টৰ বাবেই তৈয়াৰ হৈছে৷
জানি থোৱা ভাল যে বন্দৰ অপনা দোস্ত চেনেলটো নতুন নহয়৷ সংবাদমাধ্যমৰ প্ৰতিবেদন অনুসৰি ২০২০ চনত সুৰজিৎ নামৰ অসমৰে এজন যুৱকে এই চেনেলটো তৈয়াৰ কৰিছে৷ কেইবাবছৰ ধৰি তেওঁ খুব এটা সক্ৰিয় নাছিল৷ এই বছৰৰ আৰম্ভণিতে হঠাৎ সক্ৰিয় হয় চেনেলটো৷ তাৰপিছতেই এই চেনেলত আপলোড কৰা ভিডিঅ’সমূহত দ্ৰুতগতিত লাখ লাখ ভিউ অৰ্জন কৰে৷ তাৰপিছতেই আপলোড কৰা ভিডিঅ’সমূহ ভালকৈ চালে বুজা যায় যে এই ভিডিঅ’ত বেছিকৈ কষ্ট কৰিব লগা হোৱা নাই৷ ভিডিঅ’ৰ গুণমান আৰু বৰ্ণনাও সীমিত৷ কিন্তু মানুহে বহুলভাৱে এই ভিডিঅ’ চাইছে৷
অৱশ্যে এই বিষয়ক লৈ উদ্বেগো প্ৰকাশ কৰিছে গৱেষক আৰু শিল্প পৰ্যবেক্ষকসকলে৷ তেওঁলোকৰ উদ্বেগ, কৃত্ৰিম বুদ্ধিমত্তাৰে নিৰ্মিত এই ধৰণৰ বিষয় আপলোড কৰা চেনেলত গ্ৰাহকৰ সংখ্যা মানুহে তৈয়াৰ কৰা প্ৰকৃত সৃজনশীল কণ্টেণ্ট বা বিষয়বস্তুৰ চেনেলতকৈ বেছি হ’ব ধৰিছে৷ এয়া কণ্টেণ্ট ক্ৰিয়েটৰৰ বাবে অশুভ লক্ষণ৷ এই তথ্য দেখাৰ পাছতেই সামাজিক মাধ্যমত ব্যাপকভাৱে সমালোচনাও হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
