অসম লাইভ ২৪ঃ ডিব্ৰুগড়বাসীৰ বাবে বিশেষ উপহাৰ ক্ৰিকেটাৰ যুৱৰাজ সিঙৰ। ডিব্ৰুগড়ৰ অসম চিকিৎসা মহাবিদ্যালয়লৈ যুৱৰাজ সিঙে আগবঢ়াব এশখন বিছনাযুক্ত আই চি ইউ। দুৰাৰোগ্য ৰোগত আক্ৰান্ত ৰোগীৰ সহায়ৰ বাবে কাম কৰি অহা ‘যুৱৰাজ সিং ফাউণ্ডেচনে’ শুকুৰবাৰে অসম চিকিৎসা মহাবিদ্যালয়ৰ কৰ্তৃপক্ষৰে এক বুজাবুজিৰ চুক্তিত স্বাক্ষৰ কৰে। চুক্তি অনুসৰি এশখন বিছনাযুক্ত বিছনাত থাকিব Philips EV 300 ICU Ventilator, BiPAP Machine, Patient Monitors, Badside Locker, Oxygent Cylinder 40 L with flow meters, Semi fowler ICU beds with mattress and Pillow, IV stands with wheels, suction machine portable, Infusion Syringe Pump, Crash Cart, ECG Machine with Display, Philips AED Machine, LED x-ray viewing box, Drug Refrigerator 350 L, Equipment Installation & Transportation আদি৷ যুৱৰাজ সিং ফাউণ্ডেচনে দুৰাৰোগ্য ৰোগীৰ চিকিৎসাৰ ক্ষেত্ৰত বিশেষভাৱে পদক্ষেপ গ্ৰহণ কৰি আহিছে। সমগ্ৰ ভাৰতবৰ্ষৰ ১২ খন চিকিৎসালয়ত যুৱৰাজ সিং ফাউণ্ডেচনে প্ৰদান কৰিবলগীয়া পেডিয়েট্ৰিক ক’ভিড ক্ৰিটিকেল চেন্টাৰৰ ভিতৰত উত্তৰ-পূৱৰ শ্বিলং, গুৱাহাটী চিকিৎসা মহাবিদ্যালয় হাস্পতাল আৰু অসম চিকিৎসা মহাবিদ্যালয়ত হ’ব পেডিয়েট্ৰিক কোভিড ক্ৰিটিকেল চেন্টাৰ। এ এম চি কৰ্তৃপক্ষৰ মতে, এই প্ৰকল্পৰ কাম শীঘ্ৰে আৰম্ভ কৰিব যুৱৰাজ সিং ফাউণ্ডেশ্যনে৷ ইয়াৰ লগে লগে চিকিৎসাধীন পেডিয়েট্ৰিক ক’ভিড ৰোগীৰ চিকিৎসাৰ ক্ষেত্ৰত যথেষ্ট সকাহ দিব বুলি আশা প্ৰকাশ কৰিছে অসম চিকিৎসা মহাবিদ্যালয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
