অসম লাইভ ২৪ঃ জীৱনৰ ৫০ টা বসন্ত গৰকিলে হাৰ্টথ্ৰ’ব জুবিন গাৰ্গে৷ আজি জুবিন গাৰ্গৰ ওপজা দিন৷ প্ৰতিবছৰৰ দৰেই এইবাৰে নিজৰ জন্মদিনটো কিছু ব্যতিক্ৰম ধৰণেৰে উদযাপন কৰে কণ্ঠশিল্পীগৰাকীয়ে৷ বুধবাৰে আয়ুৰসুন্দ্ৰা হাস্পতালত জুবিন গাৰ্গৰ প্ৰাক জন্মদিন উদযাপন কৰে হাস্পতাল কৰ্তৃপক্ষই৷ লগতে ৰোগীক ফল-মূল বিতৰণ কৰে কণ্ঠশিল্পীগৰাকীয়ে৷ ইফালে মাজনিশা কেক কাটি প্ৰিয়শিল্পীগৰাকীৰ জন্মদিন উদযাপন কৰে অনুৰাগীয়ে৷ ৰাজ্যৰ ভিন্ন স্থানত অনুৰাগীয়ে আয়োজন কৰিছে বিভিন্ন অনুষ্ঠানৰ৷ ছুপাৰস্পিচিয়েলিটি হাস্পতালত বয়স্ক লোকৰ বিনামূলীয়া স্বাস্থ্য পৰীক্ষা শিবিৰৰ লগতে খাদ্য বিতৰণ, ৰক্তদান শিবিৰৰো আয়োজন কৰিছে কৰ্তৃপক্ষই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
