অসম লাইভ২৪ঃ জুবিন গাৰ্গৰ অসুস্থতাৰ খবৰে মন সেমেকাই তুলিছে ৰাজ্যবাসীৰ। এয়াতো স্বাভাৱিক। জুবিন যে প্ৰতিগৰাকী ব্যক্তিৰেই বুকুৰ আপোন। জুবিনৰ সুখত যেনেদৰে সুখী হৈ পৰে ৰাজ্যবাসী তেনেদৰে জুবিনৰ দুখতো চকুলো বাগৰে প্ৰতিজন অনুৰাগীৰেই। অনুৰাগীনো কি? জুবিনক আপুনি কেতিয়াবা সমালোচনা কৰে তাৰমানেই আপুনি জুবিনক বেয়া পায় সেয়া জানো হ’ব পাৰে? জুবিনক ভালপায় বাবেই জুবিনৰ কিছু মন্তব্য বিতৰ্কত সোমাই। কাৰণ প্ৰিয় মানুহজনৰ পৰা কোনোৱেই বেয়া কথা সহিব নোৱাৰে। বেয়া পাওঁ বুলিয়েই আপুনি জুবিনক বেয়া পাবও নোৱাৰে। জুবিনৰ অসুস্থতাৰ খবৰ বিয়পি পৰাৰ লগে লগেই আপুনিও নিশ্বয় তেওঁৰ স্বাস্থ্যৰ খবৰ সম্পৰ্কে জানিবলৈ উদগ্ৰীৱ হৈ আছে!
হাৰ্টথ্ৰ’ব জুবিনৰ সৈতে আছে অসমবাসীৰ ভালপোৱা। সেয়ে অসুস্থতাৰ খবৰ এতিয়া সামাজিকমাধ্যমত আটাইতকৈ চৰ্চিত খবৰৰ ভিতৰত এটা। সকলো বিষয় তলপেলাই কেৱল এতিয়া জুবিনৰেই চলিছে সৰ্বত্ৰতে চৰ্চা। সামাজিক মাধ্যমত বহুতেই প্ৰিয় শিল্পীজনৰ সুস্থতাৰ কামনাৰে শ্বেয়াৰ কৰিছে বিশেষ পোষ্ট। কিন্তু প্ৰকৃততে কি হৈছে জুবিন গাৰ্গৰ?
জুবিন গাৰ্গৰ ঘনিষ্ঠ সূত্ৰই জনোৱা অনুসৰি ষ্টুডিঅ’ৰ সন্মুখত থকা ফুলনিত পানী দি থাকোতেই পিছলি পৰে কণ্ঠশিল্পীগৰাকী। হঠাৎ এইদৰে পৰি যোৱাৰ ফলত হাত আৰু ভৰিত কিছু আঘাত পোৱা বুলি জনাইছে চিকিৎসকৰ দলে। বৰ্তমানলৈকে নেমকেয়াৰ হাস্পতালৰ আই চি ইউতেই আছে হাৰ্টথ্ৰ’ব জুবিন। আজিৰ দিনটো অৱজাৰভেশ্বনতেই ৰাখিব জুবিন গাৰ্গক বুলি জনাইছে নেমকেয়াৰৰ চিকিৎসকৰ দলে। পূৰ্বৰে পৰা থকা অসুবিধাসমূহৰ ওপৰত ভিত্তি কৰিয়েই তেওঁৰ পৰীক্ষা নিৰীক্ষা কৰিছে চিকিৎসকে। কোনোৱে মাতিলে ভালধৰণেই ৰেছপনছো দিছে বুলিও জনাইছে চিকিৎসক হিতেশ বৰুৱাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
