জুবিন গাৰ্গে জীৱিত কালত তেওঁৰ সৃষ্টিক মনত ৰাখিলে ভালপাম কৈছিল, সেইবাবেই পৰিয়ালে ল’লে আন এক মহান সিদ্ধান্ত

জুবিন গাৰ্গৰ সৃষ্টিক চিৰযুগমীয়া কৰি ৰাখিবৰ বাবে জুবিন গাৰ্গৰ পত্নী গৰিমা শইকীয়া গাৰ্গে ল’লে মহান সিদ্ধান্ত৷ জুবিন গাৰ্গৰ সপোনৰ খাৰঘূলিৰ বাসগৃহক ৰাইজৰ বাবে আগবঢ়াই দিলে জুবিন পত্নী গৰিমাই৷ গৰিমা গাৰ্গে সংবাদমেলযোগে লগতে জনাইছে যে, আজি জুবিন গাৰ্গৰ নামেৰে এটা ট্ৰাষ্ট গঠন কৰা হৈছে৷ এই ট্ৰাষ্টৰ জৰিয়তে জুবিন গাৰ্গে দেখা সুন্দৰ অসমৰ সপোনবোৰ আগুৱাই নিব বুলিও জনাইছে গৰিমা গাৰ্গে৷

জুবিন গাৰ্গৰ সৃষ্টিৰাজীসমূহো পৰিচালনা কৰিব জুবিন ন্যাসে৷ ট্ৰাষ্টত থাকিব জুবিন গাৰ্গৰ পত্নী গৰিমাৰ সৈতে অন্যান্য পৰিয়ালবৰ্গও৷ জুবিন গাৰ্গৰ নামত গঠিত হোৱা এই ট্ৰাষ্টে জুবিন গাৰ্গৰ আদৰ্শেৰেই তেখেতৰ প্ৰিয় প্ৰকৃতি, মানুহ, সমাজ, সংস্কৃতি আৰু যুৱপ্ৰজন্মৰ বাবে কাম কৰি যাব৷ জুবিন গাৰ্গৰ সৃষ্টিৰাজীক সংৰক্ষণৰ বাবে ডিজিটেল লাইব্ৰেৰী নিমাৰ্ণৰো পৰিকল্পনা কৰিছে পৰিয়ালবৰ্গই৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ