অসম লাইভ২৪ঃ বৌদ্ধধৰ্মৰ প্ৰতিষ্ঠাতা গৌতম বুদ্ধৰ বাণীসমূহে আমাৰ জীৱনত যথেষ্ট প্ৰভাৱ পেলাই। তেওঁৰ বাণীসমূহে মানুহক দয়া আৰু অহিংসাৰ পথেৰে আগবাঢ়ি যোৱাত সহায় কৰে। গৌতম বুদ্ধৰ অমূল্য বাণীসমূহক সুখী জীৱনৰ সূত্ৰ বুলিও কোৱা হয়। বুদ্ধদেৱে আমাৰ জীৱনৰ সকলোতকৈ ডাঙৰ সত্যক চিনিবলৈ শিকাইছিল। সেই সত্যই হৈছে দুখ। প্ৰত্যেক মানুহেই জীৱনত সুখী আৰু সমৃদ্ধিশালীভাৱে জীয়াব বিচাৰে। কিন্তু গৌতম বুদ্ধই কৈছে যে প্ৰকৃতিত যেনেকৈ এটা ঋতু শেষ হ’লে আনটো ঋতুৰ আৰম্ভণি হয় তেনেদৰে আমাৰ জীৱনৰ সুখ আৰু দুখো চক্ৰাকাৰ। এজন মানুহ যিমানেই ধনী নহওক কিয় তেওঁৰ জীৱনত কিবা নহয় কিবা দুখ থাকিবই। গৌতম বুদ্ধই এই সন্দৰ্ভত কৈছে, ‘এনে কোনো মানুহ নাই, যাৰ জীৱনত দুখ নাই।’
বুদ্ধদেৱে লগতে কৈছিল, সুখ-দুখ কোনোটোৱেই জীৱনত চিৰস্থায়ী নহয়। আজি যদি আমি সুখত আছো তেন্তে ভৱিষ্যতে কেতিয়াও দুখ নাহিবই বুলি কথা নাই। আজি দুখ থাকিলেও ভাঙি নপৰিব এই দুখো চিৰস্থায়ী নহয়। ইয়াৰোপৰি গৌতম বুদ্ধই কৈ গৈছে, জীৱনত দুখৰ কাৰণ যিয়েই নহওক কিয়, আমাৰ নিজৰ ভুলৰ বাবেই এই দুখ কেতিয়াবা বাঢ়ি যায়। পৰিস্থিতি যিমানেই কঠিন নহওক কিয় ধৈৰ্যই প্রধান কথা। ধৈৰ্যৰ কাৰণেই আপুনি দুখৰ পৰা মুক্তিলাভ কৰিব। গৌতম বুদ্ধই দুখ নিয়ন্ত্ৰণ কৰিবলৈ কি কি উপায় দিছিল?
বুদ্ধদেৱৰ মতে প্ৰতিজন মানুহৰ জীৱনতেই কিবা নহয় কিবা দুখ থাকেই। কিন্তু দুখ কৰাৰ আগতে দুখৰ সঠিক কাৰণ জানি লওক। দুখত যদি আপুনি ভাঙি পৰে তেন্তে কষ্ট আৰু বাঢ়িহে যায়। দুখ দুৰ কৰাৰ সহজ উপায় হৈছে নিজৰে সুখী ৰখা। বুদ্ধদেৱে কৈছে যে মনৰ মাজত কামনা বাসনা থাকিলে দুখো থাকিবই। মনৰ মাজত কামনা বাসনা অত্যাধিক বঢ়া মানেই ক্ষোভ আৰু অসন্তুষো বৃদ্ধি হয়। সেয়ে নিজৰ মনটোক নিয়ন্ত্ৰণত ৰাখিব লাগে। গৌতম বুদ্ধৰ কথা অনুসৰি জীৱনত দুখ থকা মানেই সুখো আছে। মনত ৰখা দৰকাৰ যে সময় যদি বেয়া চলি আছে তেন্তে ভালসময়লৈ কিছু অপেক্ষা কৰাৰ দৰকাৰ। এই পৃথিৱীত এনে কোনো সমস্যা নাই যাৰ সমাধান নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
